Ka jingthep along biang, ka nang ai ding:KSU

Shillong, 8 Jylliew:
Ka KSU ha ka kyrwoh khubor jong ka, ka la ong ba jingkem bad ka jingpynngat kes ia ki nongialam jong ka ka dei tang ka kput im im peit peit ia ki nongialam bad ka jingleh ki pulit ka long kumba ki pyniahap ia ki nongialam ka KSU kum ki lehnoh ha Jammu and Kashmir. Ka KSU ka la ong ba ka jingthep biang ia ki 2 ngut ki nongialam jong ka ha along ka nang pynbitar bad nang ai ding shuh shuh. Ka kyrwoh khubor na katei ka seng ka la ong ba kan nym kynran dien na ka jingiakhih pyrshah lynti rel khlem da biang kita ki ain ban iada ia ka jingwan rung kyrthep kiwei pat ki briew hapoh kane ka jylla.
Halor ka jingkam u Dr.Mukul ba ki lah don ki aiñ, ka KSU ka ong ba kam pat iohi ia kita ki aiñ bad kumno kan ong kaba khlaiñ ne kaba tlot bad ka la ong ba ka kwah iohi haduh katno kita ki aiñ ka sorkar ki lah ban treikam bad dei hangta kan jubab la kaba khlain ne ba tlot.