Ka jingthaw ia ka KHBSRA, ka dei kum shi bynta ban pyntrei kam ia ka Building bylaw

Shillong: U bah Paul Lyngdoh EM ba dei peit ia ka Town Committee haba jubab ia ka jingkylli kaba la wanrah da u Bah R V Lyngdoh halor ka Town Commitee, u bha Paul u la ong ba ka KHADC kala dep ban pynmih ia ka jingpynbna paidbah ba la thaw ia ka Khasi Hills Building Structure Regulatory Authority bad kane kan pynkhreh ia ka Building By-law.

Haba kren hapoh ka ingdorbar u bah Paul u la ong ba ka jingthaw ia kane ka KHSRA, ka long ban buh shuwa ia ka ne ka Autority khnang ba kin lah ban ai ka bor ba pura ban lah ban pyntrei kam ia ka building bylaw.

U la ong ruh ba ki by law kiba la shna ha u 2015 ha kaba ka sorkar jylla ka kyntait, namar ba kam pat biang kane ka by-law bad mynta ka kynti na ka liang u EM incharge u kwah ban trei suki suki bad kane ka KHSRA ka dei kawei na ka bynta trei kam jong ka building by-law bad ka don ka jingthmu ban pyniar pynskhem ia ka autonomy jong kane ka Council.

U la ong ruh ba ka don ka jingkyrkieh ban pyntrei kam noh ia ka ne namar ba kam don kano kano ka jingjia ha Umsning ha kaba la don ka jingtwa ka khyndew ka don ka jingthaw ia ki ingbasa khlem kyndon ha ki thain Sohra. U la iathuh ruh ba u la dep ban thoh sha ka sorkar jylla ba ia ki jaka ki ba hap hapoh ka Greater Shillong Planing Area bad ia ki jaka ki ba lait na ki 3 tylli ki normal area ba ngin pyntrei kam ia ka bor jong ka District Council.

U bah Jambor War EM ba dei peit ia ki kam Elaka haba jubab ia ki jingkylli jong u bah Lamphrang Blah ha kaba ia dei bad ka Hima Nongspung haba jied ia u Syiem, la ong ba kumba ka paw na ki jingthoh ba naduh u snem 1961 kiba shah jeid Syiem hapoh kane ka Hima ki dei na ka jaid Syiemiong.

Ka kong Grace Mary Kharpuri EM, ba dei peit ia ki Iew ki hat, haba jubab ia ka jingkylli jong u bah Lamphrang Blah ka la ong ba ka KHADC ia mynta kam don kano kano ka jingthmu ban seng iew thymmai bad ka jingtyrwa kaba la wan dei na ka Hima Mylliem, halor ka jingkylli jong u bah Karnes Sohshang ka la ong ba ka KHADC ka kwah ban don ia ki iew ha baroh ki District, tangba ka shong ha ka jingdon ka pisa.