Ka jingstad ka dei ka dak jong ki sngi khaddduh

AIS SUJA

Kawei na ki Dak jong ki sngi Bakhaddduh dei ka Jingstad. Ka Ktien u Blei ka la ai dak lypa ia kata ha ka Kitab u Daniel, “Haduh ka por jong kaba kut kein; bun kin long kin ban phet shane shatai, bad ka jingtip kan roi. Many shall run to and fro, and Knowledge shall be increased. Daniel 12:4.

Da kaba burom ia ki science bad Technology, ba ka long shisha kata ka Jingstad kaba u Blei u la ai ha u Briew ban wad bad ban shem ia kiei kiei kiba phylla bad kiba pynsuk ia u khun bynriew hangne ha pyrthei katba ki snem ki nang iaid. Na ka juk maw sha ka Juk Jingstad saian (Science). Nakaba iaid kjat sha ka shong kali kulai Motor bad Aeroplane bad ter ter. La nang pynjan bad pynrit ia ka pyrthei lyngba ka jingstad saian. Ki kor ki bor baphylla ki mih ban pynjan ia kaba jngai, kum ki Radio, ki Telebision bad mynta lei sa ki mobile phone bad computer. Ki Mobile phone jong kane ka Juk wat ki khyllung ruh ki nang ban bat bad lehkai. Ka la pynsuk pynjan shisha ia ka pyrthei lyngba ka wwww World Wide Web, ymtang ban ia kren hynrei ban iohi markhmat de (Video call).

Ymtang hangne hynrei dang bun shibun kiei kiei ba kata ka jingstad ka wallam. Kaba shna ia ki tiar thma ba shyrkhei nuclear weapons ka long pat ka jingma ia u Briew baroh shi tyllup ka pyrthei, na ki factory shna tiar thma kane ka juk kin mih ruh ki khniang jingpang (viruses) ki jait pa ki jait bad thaw jingpang ia u bynriew hangne ha sla pyrthei. U Blei u la ai baroh ka jingstad ha u briew ban tip ia kaba mynshwa (past) ia kaba mynta (Today) bad ia kaban sa wan (Future). Ngi iohi ba ki saiantis ka NASA ki long shisha kita ki Saiantis kiba tip lut nanglut ia kiei kiei kiba ha khyndew hapoh khyndew bad ha suin. Hynrei hapdeng katne ka jingroi ka jingstad jingtip bunsien kaba mih na kaei kaba u Briew u shem u wad ki long tang ki jingsngewsih, bad ka ktien u Blei ka kren shaphang kata kumne – “Haba bun ka Jingstad don bun ka jingsngewsih; uta u ba pynroi ia ka jingtip, u pynroi ia ka jingsngewsih. Eklesiastis 1:8. For in much wisdom is much grief and he that increased knowledge, increased sorrow.

Kaei kaba ngi iohi shisha ha kine ki sngi kiba khadduh ba kata ka jingstad u briew ka wallam ki jingsngewsih ha ka long briew man briew. Balei? Namar ba u Blei u la dep ai ha u khun bynriew ia ka jingstad bad bakata ka jingstad kanroi haduh ka sngi ba u Jisu un wanpat sha kane ka pyrthei. Ka jingstad kan ympat kut tang ha kaba ngi iohi mynta, hynrei kan dang mih shuh shuh katba u Jisu umpat hiar hangne ha sla pyrthei. Ngim tip sakaei pat! Ka por kan batai tang kawei ngi tip ka long ba haba ngin iohi iakata ka jingroi ka jingstad bad ba ki briew ki ia bud kam shane shatai – ngi tip ba ki long kaba kut noh kita ki sngi Ong u Daniel. Hashwa ban kut noh, ka jingstad ruh kanroi bha ong ka ktien u Blei. U Riewstad, saian u lah ban shna ia u briew thik, hynrei yn umlah da leilei ban shna ia ka snam, namar ha ka snam ka shong ka jingim (Soul) jong u briew, bad u Blei um ai iakata ha u riewstad pyrthei namar kadei ka jong u Blei. Ka Jingstad kan roi palat mynta bad haba ngi iohi ia kane – To ngin tip pleng ngi im ha kane ka por kaba kut noh ki sngi (end of the age) ka long mynta kein.

Haba ngi iohi ka dak ka jingroi jong ka Jingstad – ngin tip ba ngi im ha ka por ba u Blei un pynkut noh ia ka ia, bad kata ka long –MYNTA KEIN. Daniel 12:4.