Ka jingstad ka dei ban iaid bad ka akor, ong u DC

Shillong, 05 Nailar:
U Deputy Commissioner ka East Khasi Hills u Bah Peter S Dkhar u la ong ba u briew ne ka briew ki lah ban long kiba stad ha ka jingpule bad ha kiwei ki liang hynrei ki dei ban kynmaw ba ka akor ka burom ka dei kaba kongsan bha.
Haba kren mynta ka sngi Palei ha ka Jingpyni Kolshor ba pynlong da ka Bharat Scouts and Guids ha ka sien ba nyngkong eh ha skul KJP Shillong, u DC u la ong, “Ngi lah ban long kiba biang ha ka jingpule ne ha kano kano ka kam hynrei ngi dei ban kynmaw ba ban tei ia ka jinglong babha ka long kaba donkam”. 
U la ong ba ka jingpynlong ka Bharat Scouts and Guids kum ia kane ka prokram ban pyni ia ki kolshor bapher bapher ka long shi bynta kaba dei eh ban wanrah bad ban pynlong ia ka jinglong kawei ne ka jingiatylli hapdeng ki jaitbynriew bapher bapher.
“Kum kane ka jingleh dei ban iai bteng na ka por sha ka por bad nga kyrmen ba ka Bharat Scouts and Guid kan pynim ia kane ka kam kaba donkam”, la ong u Bah Dkhar.
Haba pynpaw ba kan long kum kawei ka longing, u DC u la ong shi bynta kum kane ka prokram kan long ruh kum ka jingpynlong ia kawei ka longing ban tei ia kaba bha.
U la ong ba ka burom ka leit ruh sha ki kmie ki kpa jong ki khynnah skul, ki nongpyniaid ban pynlong ia kane ka jingthmu kaba jop.
Ha kane ka Jingpyni Kolshor la ioh ia ka jingshad, jingrwai, ka jingpyni sap na ki khynnah na ki skul bapher bapher jong ka nongbah.