Hadien ka jingshah suspon u Syiem Sohra, la wan ka Executive Committee, KHADC jong u Bah Teinwell Dkhar.
Ban pyni sha ka pyrthei Sohra ba kane ka EC khamtam u MDC Sohra bad Shella ki dei kiba trei hok, la kyntiew khet biang ia u Syiem Sohra watla ki la don shibun ki jingkynthoh ha ki print media pyrshah ia u Freeman Sing Syiem, Syiem Sohra.
Ha kawei ka rukom kane ka jingkyntiew khet ia u Syiem jong ngi ka long kaba la pynhun eh ia ngi. Kaba pynlyngngoh pat ia ngi ka long ba u F. Syiem ha ka Dorbar Hima, u la pule ha khmat ka Dorbar ia ka order kaba la pynmih da ka E.C jong u Bah Teinwell kaba don tang kumba lai tylli ki sentences.
Ha ki social Media pat la iohi a i MDC kum u Bah pyniaid S. Syiem, u Bah Titos ki la ai ha kti u Freeman S. Syiem da ka Full page order kaba bun sla ha khmat ka jingiadon lang i Bah Martle Mukhim.
Kane ka la pynlong ia u Bah Carmel Kharhujon ban wad jingtip ha ka Office jong ka KHADC shaphang kane ka order lyngba ka RTI Act 2005, ha kaba la shem ba baroh ki riti ki dustur synshar kiba ki long shuwa ki la seng la buh ha kaba wat ia ka white paper halor kane la ju phah copy sha ka KHADC na ka por sha ka por, la pynduh noh da ka EC u bah T. Dkhar ha jingiadon ryngkt u MDC Sohra. Ngi kynmaw hangne ia ka jingthoh jong u Bah E.M.R Syiem kaba i ong ba “Kumba ka Megna Carta ka long ia u nong England, kumta ka riti ba la seng ki long shuwa ka long ia ngi u khun Khasi”.
Ngi pynpaw ka jingsngewnguh ruh ia ki samla Rangbah ka Hima Sohra kum u Bah A. Diengdoh, Bah C. Kharhujon, Bah C. Kharmih, Bah Tipkur Majaw, Bah Andy Basaiawmoit bad kiwei kiba la kloi ban pynlut por ban leit ai Dorkhast ha khmat u Bah Latiplang Kharkongor CEM KHADC pyrshah ia katei ka order jong ka EC jong ka EC u bah Teinwell Dkhar kaba dt 25 June 2019.
Ha kaba wai noh, shihajar nguh iaphi bah Latiplang bad baroh ki MDC kiba ia don ryngkat bad phi ha kaba wat ha kane ka saw ka sian ka jinglong ka sain hima, phi la ia long kiba la kloi ban pyndep nyngkong ia la ka deiti da kaba weng bad pynduh noh ia katto katne ki bynta ha katei ka order katkum ba la pynkupbor ban nang pynheh pynsah ia la ki riti kiba u longshuwa u la buh la seng ha ryngkat ka suit ka shor.
Ngi da khmih lynti eh ruh ba baroh ki MDC kin don lang kajuh ka jingsngewthuh bad ka jingkit khlieh kum ma phi bad ka kynhun.
Khublei shibun Kiba burom ia phi
1.Myntri W.M. Mawdkhap
2.Myntri D. Khongwir
3.Myntri A. Shrieh
4.Myntri M.L Majaw
5.Myntri Y.K. Tham
Phi don ban ong eiei?