Ka Jingsneng Tymmen. Lynnong kaba XXXIII

(Na ka bynta ki Class X)

(Ba bteng)

Babu Kular Khongjirem

Ha ka lynnong kaba xxxiii pat,u nongthoh u iai ban ba dei ban da thew bad pyrkhat bha shwa ban kren,ban iaid bad ban leh namar tang na ka rukom kren,rukom iaid bad rukom leh,la lah ban bishar ia ka jinglong bad ka jingdon akor bad jingdon burom jongno jomgno.

Ka spah ka phew ne ki jingdon jingem baroh kim lah ban neh sah kum ka akor bad ka burom ha kane ka pyrthei. Ha ka liang ka kamai kajih pat, u nongsneng u kyntu baym bit ban shu leh than hynrei ‘ da kunai ban ym khuslai’.Ha ka liang ka bam ka dih ruh,u symboh khaw u long uba kordor shibun uba ioh ne thied na kaba kamai hok.

Kumta,ym ju bit ban shu leh lut phut ne lutsha ha ka bam ka dih ba ioh wan lap ka jingshipa ne ka jingjynjar bad jingkordit hadien habud bad ba ioh shu iap thadlad ei sha lum sha khlaw kum ki bym don ba ha ing ha sem ne ki kur ki kha. Ym ju bit ruh ban tuklar ne lorni ia ka kam kiwei ba ioh shisien ka sngi phin ngat pynban ia lade.

Kynmaw ban nym kwah rhah ia ka jong kiwei hynrei ban kamai bad leh tang ia la ka jong ka hok.Ia ka hok kiwei te sang ban tuh ne tamti tam jat.Lada phi im sngi ia la ka hok lajong,phin ioh hi ia la ka jingkyrkhu wat ha ka por ba phi dang im ne wat hadien ba phim don shuh na kane ka pyrthei. Kano kano ka ktien ruh wat ju lam ler ne laplah ne wat ia lir.Wat ju khap nap ne khap bit ne buh nud ne bukhir ia kiwei pat ioh sah sniew bad sah budnam ei ha ka pyrthei.Wat ju pynshong niangkuhiw ruh la ka dohnud ne ne wat ju kwah rhah ne iathan ia kiwei hynrei dei ban iarap bad leh bha ia kiwei da ka mynsiem kaba sbun,kaba kylluid bad kaba isynei lem ia kiwei kiba donkam ka jingisrap jongphi.

Kine ki dei ki jingkyntu u nongsneng ia ki samla kynthei ne shynrang bad ki longdien mandien ba kin kynmaw bha dngong hadien ha bud.(yn dang bteng)..