Ka Jingsneng Tymmen jong u Radhon Sing Berry Kharwanlang

(Na ka bynta ki class X

Babu Kular Khongjirem

Ka jingsneng Tymmen na ka bynta ki Class X ka sdang naduh ka Lynnong kaba XXXI(31) ter ter haduh ba kut ka kot pule,kata,haduh ka lynnong XLI(41).Ka rukom set jingkylli ha kane ka course thymmai(new course) jong kane ka kot ha SSLC Examination jong ka MBOSE naduh myn shem snem kalong ha ki lai rukom.(1)Kaba nyngkong kalong ka jingpyndap ktien ban pynkut ia ki kyntien jong ki lain(2) Ka jingbatai lyngkot tang shi lain ar lain ia ki jingmut jong ki lain ba la ai ha ki jingkylli bad(3) ki jingbatai ia ki jingmut bad jingsneng ne jinghikai ba u nongthoh u kwah ne mut ha ki lain ba la ai ha ki jingkylli.

Ka dkhot kaba XXXI(31) ka sdang da ki lain ‘To mut bha,to kren beit bad to leh hok……Ia ka myntoi to da mut to da khan’.Ka dei ka jingkyntu u nongthoh ia ka jaitbynriew bad ki longdien man dien ba ki dei ban kamai ia ka Hok ha kane ka pyrthei naduh ka jingmut,ka jingkren bad ki jingleh baroh.Ki briew kiba im hok,leh hok,kren beit da ka jingkhuid mynsiem ki hun ki suk kynjai khlem bun jingmut jingpyrkhat bad wat haba ki iap ruh ki syrtok namar ka mynsiem jongki kan poi beit sha duwar u Blei.Kiba leh pap leh sang,ki nongthok nongshukor bad ki nongleh ar sap ar phong pat kin poi sha dujok ne sha nurok ka ksew ne kata ka khyndai pateng niamra kumba ong ki Khasi Hyndai.

Ka ktien’To ieit ialade burom ia kiwei’kalong kaba khia thew bha.Ki briew la ki rit ne ki heh,ki duk ne riewspah bad ki stad ne ki biej ki dei ban nang ban ieit bad burom shwa ia lade lada ki kwah ba kiwei kin burom ia ki. Ym ju bit ban kren bein ne niew bein ia kiwei ba ka long ka pop hakhmat u briew ne u Blei.Lada ngi nang ban leh kumta,ngin suk hakhmat ka pyrthei bad hakhmat u Blei ruh kumjuh. Haba trei ia kano kano ka kam pat,wat ju trei torti.U briew baroh u dei ban trei janai bad trei ni ia ka kam ba u trei.”Ha ki kam ba ni baroh,hangta kein ka rieh ka Nam”Lada ngi mlien ban trei ni,trei janai naduh dangrit,katba nang san nang rangbah lei lei katta ka kam ka kham tbit,kham biang bad kham stad shuh shuh.Wat ju trei tangdep ia kano kano ka kam kaba la aiti ne bynshet iangi. U nongthoh u kyntu ruh ba ym ju bit ban iathan ha ka leit ka wan ne ha lynti ha synkien.Lada trei bha ngin ioh hi la ka jong ka bainong bha hakhmat u briew ne u Blei.Lada trei sniew ruh,ngin ioh hi la ka jong ka bai sniew.

Khadduh eh,u nongthoh u kyntu ia ki longlien man dien ba kim dei eh ban pyrkhat tang ia ka khwan myntoi ne kwah rhah ia ka bym dei hok ioh ka kylla pynban ka jingtim hadien ha bud ha ka jing im jongngi.(Yn dang bteng next issue).