Ka jingshong kali ha ka surok dewbilat sha Kenmynsaw, kaba da sngew syier shisha

Kenmynsaw Synteiñ:Ka jingshong kali ha surok dewbilat kaba kumba 5km ka la sngew tynnad shisha, wat la la kham sngew syier.
Lehse ka surok kaba jrong tam ban siang da ka dewbilat ha Meghalaya, ka dei na shnong Mawkaphan sha Kenmynsaw ka thaiñ Mawsynram, East Khasi Hills District.

Kane ka surok kaba shu noh beit piaw shathie arsut bad ka la shu suh beit arted sha suiñ.
Ban hiar arsut shapoh, u gear ka kali hap ban iaid uba heh ha ka 1st ne 2nd gear bad kan long ka jingma ban iaid neutral namar ba bakla tiak, kan poi sha kaba mynsaw. Kumjuh ruh hap ban kiew arted, hap kiew hap ban iaid tang da 1st ne 2nd gear namar ka nep palat u thiep.

Ka leit ka wan ka long shisha kaba sngew tynnad ban iaid ha ka por rang lei ban iohi shynna kyndiar ia ki wah ki shnong shapoh ba tap da ka mariang ba jyrngam.
Ynda la poi ha jaka ieng kali pat ha Lad Mynsya, la hap ban iaid da kjat. La iohi ia ki ïing ki briew ka shnong Kenmynsaw kaba tei ia ki ïing ha sharing lum kum ha Sikkim ne Himachal Pradesh bad ha phud wah, ha kaba hap ban iaid da ka jingkieng ban poi sha ka shnong.

Kane ka shnong ka pawnam ruh ha ka thaiñ kriah thaiñ shang nalor ka jingbat ia ka riti dustur katkum ka jinghikai ki longshwa.