Ka jingpynslem ka DSC bad MPSC ia ki result thungkam

Ka jingpynslem palat jong ka DSC bad MPSC ban pynmih ia ki result thung kam ha kaba ia dei bad ka Recruitment Process kaba la shim por haduh 4,5 snem kala pynsah umdum iaki samla wad kam ban pynduh mynsiem, bad ka pynlong ban don noh ka jingsuba sniew ioh ka don kano kano ka daw ba rieh sha lyndet.

Kane ka jingpynslem palat ban pynmih result kala long kum ka jingpynsyrwa kai iaki snem rta ba kordor jong ki samla wadkam. Kampher da ioh mano mano ha ka jingialeh don u ba ioh bad don u ba duh, tang ba ka rukom trei kam ka dei ban long kaba khuid bad kaba shai khnang ba ki samla nongwadkam kin nym sah haka lyngngoh ka umdum.

Kane ka jingpyn slem palat jong ka DSC bad MPSC ban pynmih result thungkam kala long kum kata ka kynthei kaba la palat bnai kaba shu suh kha hynrei khlem kha ia i khun. Hynrei slem slem por hadien pat ka kha pynban da u khun dkhan hynrei niuma kyrmen ba kan nymlong kumta.
Ka jingkyntu iaka sorkar lyngba ka DSC bad MPSC ban pynsted kham kloi katba lah ha kaba iadei bad ki Recruitment Process haka DSC bad MPSC ban pyndap haki kam balait ha ki tnad bapher bapher hapoh ka jylla.

Albert Maring,
Ri Bhoi Disrtict.