Ka jingpynshai na ki paidbah ka shnong Jarain shaphang ki jingkynnoh u Ami Tariang bad u Jingieit Nongbah

Palat ia ka 90 percent na ki Nongshong shnong ka shnong Jarain,West Jaintia Hills, k ila mih sha surok ha ka 17tarik Risaw 2020 na ka bynta ban ieng pyrshah ia ka jingleh donbor bad thombor u Jemewell Pyrtuh Dolloi Elaka Amwi halor ka jingthung Acting waheh shnong ia u Ami Tariang ha Jarain khlem ka mon jong ki paidbah, kum ki paidbah ngi la rah ia ki banner, ki placard bad ryngkat ki jingpyrta slogan pyrshah ia u Dolloi bad ki jingthoh ki long kumne harum:-

Ngi pyrshah ia u Dolloi, u nonglehbor u nongthombor.

Weng noh ia u Acting Waheh Shnong ba shu sieh.

Baroh baroh ngin iatylli,pynduh bor ki kwah shuki.

Long live shnong Jarain, NO JUSTICE NO REST.

Ngi pyrshah Ami Tariang, Jingieit Nongbah. kwah shuki khlem u paidbah.

Ka rai u paidbah, Burom ka shnong ka thaw.
Ia kane la Sakhi da baroh naduh ki briew jong ka ain bad baroh kiba iaid lynti lyngba ka surok bah National Highway 40E. Ka Agenda jong ngi ki paidbah Jarain ka long pyrshah ia u Dolloi bad ia ki Acting waheh shnong bad Acting secretary shnong jong u. Kata ia u Ami Tariang bad ia u Jingieit Nongbah.
Ha ka kotkhubor u Mawphor kaba 19/10/2020 u Ami Tariang bad u Jingieit Nongbah kila kynnoh kumne:-

Ba ki nongpyrshah ki don tang 100ngut, ngi ki paidbah ngi pynshai ba kiba mih surok baroh kila tam ia ka 700ngut.

Kine ki juh ki briew kila kynnoh ia u Kliarbha Sana bad ia u Skhemtriang Pohti. To tip phi ki briew baroh ba ki jingiakhih baroh kadei ka mon jong ngi hi ki paidbah.

U Ami Tariang bad u Jingieit Nongbah ki heh ki kyrteng tang ha ki kot khubor, kila shu kam ialade ba ki dei ki Nongialam shnong. Katba ha poh shnong Jarain pat ki long Zero lane khlem nongbud. Ki dei tang ki Self styled waheh shnong khlem paidbah.

Kila kynnoh ba u Jephrin Sumer u dei u dkhot shnong, hynrei u Jephrin Sumer u la kren da kaba shai nga dei u paidbah shnong.

Ka Agenda jong ngi ki paidbah ki long tang kane kawei pyrshah ia u Jemewell Pyrtuh(Dolloi) u Nongthung Acting waheh shnong jubor ha shnong Jarain bad dawa ban weng mardor ia u Ami Tariang kum u Acting waheh shnong shu sieh da u Dolloi.

Ym don ba pyrshah shnong ha Jarain kumba la kynnoh. U nongpyrshah shnong ba No.1 dei u Dolloi Nongsynshar Elaka lem bad ki kotto katne ki briew jong u ha Jarain ban ioh control ia ki kam pohshnong pohthaw jong ngi, na ka bynta ki jingmyntoi ba shimet jong ki.

Ngi ki paidbah ngi kren ia ka jingshisha, peit ha spot ba phin shem ia kane kumba ka long. Kane baroh ka long tang kawei ka common Agenda jong ki paidbah shnong pyrshah ia u Dolloi bad ki Acting jong u. Wat pyniakhleh Agenda nawei shawei tang ban ioh darapjot ialade.
Na ki paidbah shnong Jarain.

Mr. Diwomsmen Pamthied
Mob no- 9366723758