Ka jingpynshai na ka Dorbar Shnong Lakroh

Ka jingpynshai na ka Dorbar Shnong Lakroh ba ka Dorbar Shnong kam shym la kynnoh ia kino kino ki kynhun Sengbhalang ha kaba iadei bad ka jingjia hapoh shnong ha ka 5.08.29 ha ka por 9:00 P.M hynrei ka pynrem jur ia u Sanjay Syndai, u Ferby Syndai, John Syndai, Shem Pariat, Ketme Kynsai lem bad 6 ngut ki paralok jong ki napoh East Jaintia Hills kiba wan rung jubor khlem da ioh jingbit na ki bor pyniaid shnong.

Ki da wanrah artad bad ki tiar pynmynsaw, ynda haba ki VDP ki la pyrshang ban iakren ne ban khanglad ia ki, ki la shoh la dat bad tar ia ki ID jong ki VDP Shnong bad ki la byrngem byrsit ia ki nongialam shnong u Waheh Shnong Shri. Willy Pohplet bad u Secretary Shnong Shri. Sibil Tariang. Ki la tim sih tim sang hapoh shnong jong ngi khlem kano kano ka daw.

Na ka liang ka Dorbar Shnong ka pynrem jur ia kane bad ka la buh ruh da ka FIR pyrshah ia kine ki riew runar ha u Officer Incharge jong ka Muktapur PPP. Kumta na ka liang ka Dorbar Shnong ka kyntu ia ki bor jong ka ain ba kin bishar bniah bad ban kem syndon ia kum kine ki jait briew kiba thmu wat ban shim ruh ia ka jingim ki nongialam shnong namar lada kumne shi kumne ka iai jia kan buh jingma ia ka shnong ka thaw bad ia ka thain hi baroh kawei namar kum ki briew ha ka jingshisha lada don kano kano ka jingiabakla ngim dei ban shim ia ka ain ha la ki jong ki kti ngi dei ban iakren ia pynbeit shwa khamtam paradoh parasnam ym dei ban shu wan iashoh iadat ne wan byrngem byrsit hapoh shnong pohthaw.

Kane ka long ka kyrwoh na u Secretary Shnong Shri. Sibil Tariang.