KA JINGPYNSHAI NA KA 1-NARTIANG NATIONAL PEOPLE’S PARTY

Na ka National People Party Nartiang Constituency (NPP) Lyngba u President Hamkom khynriam bad u Secretary Mutshwa Thabah , ngi kwah ban pynshai Halor ka jingmih khubor date 28th November 2022 ha u rupang, ka sur u paidbah kaba ong, “Lyngngoh ki nongialam NPP, halor ki kam pynroi ha Nartiang”.Kumta kum Ki nongkitkam ka jong ka NPP 1- Nartiang Constituency ki lyngngoh bad I thamula ban iohi ia ki briew kiba thmu ban pyn budnam ia ka Party NPP bad ia u MLA Ma Sniawbhalang Dhar da kaba kam ia lade kum ki nongkitkam jong ka party bad nongialam ba radbah ha ka party naduh u Ma Siberius Lamurong kum u nongbat kam ka NPP, u Donbok Syngkrem uba kam ialade ba u dei u Secretary bad u Phrang Dhar Asst. Secretary NPP Nartiang. Kumta Ngi kum ki nongkitkam jong ka party 1-Nartiang NPP Block Committee ngi la don ban pynshai hangne.

Ngi kum ki nongkitkam jong ka National People Party 1-Nartiang constituency ngi wan ban pynshai ba kine ki briew kim dei ki nongkitkam ka party kumba la kam bad kim don hi ruh hapoh ka party bad ngim ithuh hi ruh iaki. Hynrei kane ka dei ka khubor lamler bad thok da kine ki briew kiba thmu ban pynjah burom ia ngi ki nongkitkam bad nongkyrshan ba shitrhem jong ka party NPP bad ruh ia u MLA jong ka thain u ma Sniawbhalang Dhar u ba la trei shitom katba lah ban kyntiew ia thain bad ka Constituency hi baroh kawei ha ka liang ka roi ka par.

Khatduh ka 1-Nartiang NPP Block Committee ka don ban ong ba hapoh ka jingialam bad synshar ka Sorkar MDA ba la lam khmat da ka NPP bad u ma Sniawbhalang Dhar kum u MLA jong ngi, ka don shisha ka roi ka par ha baroh ki liang hapoh ka thain hi baroh kawei, naduh ka MLA Scheme, Central Scheme bad kiwei kiwei, kaba long ka jingmyntoi ia u paitbah babun balang. Kum ki nongialam bad nongkyrshan ka party ngi don ka jingkyrmen kaba skhem baka party NPP kan jop donburum naka 1-nartiang Constituency bad kan ioh ban synshar hi tang marwei ha u snem 2023 khnang baka thain bad ka jylla jong ngi kan nangkiew shaphrang ha baroh ki liang.Kumta ngi kum ngi kum ki nong ialam jong ka party ngi kwah ban pynshai sha phi ki paidbah ba phim dei ban sngap ia kine ki khubor lamler.

Pynkut Ka kyrwoh lyngba u President NPP 1-Natiang Ma Hamkom Khynriam bad Secretary NPP 1-Nartaing Ma Mutshwa Thabah.