Ka jingpynshai ia ka kam Rangbah Shnong ha shnong Kongthong

Ka jingpynshai ia ka kam Rangbah Shnong ha shnong Kongthong.

Ki Nongshong shnong jong ka shnong Kongthong ki dap da ka jingkyndit kaba khraw bad sngew lyngoh shi katdei haba ki iohi ha ki lad pathai khubor khasi bad phareng kaba mih ha ka 19 tarik Risaw 2019 ia ka jingkam U Syllok lang Majaw kum u sordar ka Raid Kongthong bad ruh ka jingweng noh ia U Rangbah Shnong, ia I Bah Coming Home Pohnong da ka Executive Committee ka jong U. Ha kaba iadei bad kane ka jingthombor bad lehdonbor jong u Syllok lang Majaw ia ka hok jong ki paidbah nong shong shnong bad khamtam ia ka dorbar jong ka shnong Kongthong, ngi don ban pynshai kumne.

Haba ngi iohi ia ka shithi ka ba 23 tarik u Nailur 2019 U Sylloklang Majaw uba kam ialade kum U Sordar jong ka Raid Kongthong ba u la weng donbor ia I Rangbah Coming Home Pohnong uba dei U Rangbah Shnong jong ka Shnong Kongthong. Na ka liang U Rangbah Shnong hadien ba u la iohi iaka shithi ba la weng donbor ia I na ka jing long Rangbah Shnong kumta haka 30 tarik nailur 2019 I la lum ia ka Dorbar jong ka shnong.

Bad ha katei ka sngi ka dorbar jong ka Shnong Kongthong ka la kyntait ia ka jingleh donbor jong u Syllok Lang Majaw bad kumjuh ka dorbar Ka la Rai ban pynskhem ba I Coming Home Pohnong kum U Rangbah Shnong jong ka Shnong Kongthong. Ha kajuh ka por ka Dorbar ka la rai ba ha kaba iadei bad ka Synshar Khadar ka shong suk shong sain hapoh shnong poh thaw bad ruh ha kino kino ki jingdonkam u paidbah, ki Riew Shimet, Ki Sengbhalang, Kino kino ki kynhun bad ki ophis bapher bapher jong ka Sorkar kiba donkam hapoh shnong Kongthong ki dei ban wan lane kynduh beit ia I Bah Coming Home Pohnong iba dei I Rangbah Shnong. Bad ha kane ka Dorbar Shnong U Kanol Majaw uba dei u Sordar jong ka Raid Kongthong U la don Ryngkat. Kane ka dei katkum ka kyrwoh ba la phah U Bah Tralsing Riahtam kum u nongshong Dorbar bad hakajuh ka por uba long u Secretary jong Ka Raid Kongthong.