Kum uwei u nongshong shnong jong ki dong ki thain area Diengiei, ngam lah khlem da kynthoh tyngeh ia kane ka tnat treikam kaba peit ia ka light, ba ka la shu lehbeiñ bad nion bein ia ki dong ki thaiñ Diengiei bad Krang Area namar ka light kaba wan lyngba na Damsite kaba iaid ia kiba bun ki shnong Mawmih,Mawlaingut,Mawlaiteng,Lawmei,Mawripih,Dewsaw haduh Krang lynter dei ban lip lait man ka sngi ym ju pep, kata da ki bun kynta ha ka shisngi haba dei lip arsngi laisngi khlem ioh lait khyndiat sekhon ruh,katba ka bai light pat kam ju hiar.
Kaba lyngngoh ka long ba mynshuwa thang da u bol light saw kata u 60,100 watt bad heater bai light ka shu biang katba mynta pat thang tang da u bol lieh uba 7,9,12 watt khlem pyndonkam heater tang u khiewja light ne ketli sha ka bai light pat shabneng sha khyndew bym lah batai. Kane baroh ka dei ka jingleh dusmon bad ñionbeiñ Jong ki briew ba trei ha kane ka lain,khamtam ki nongsam bil light kiba aidaw da kumne kumtai,kiba pli lei kibym nang bym tip ban kheiñ,shu hap siew beit katba ki ong.Ynda kylli ia jingkiew ne iakren ki ong beit leit iakren sha Head office,katba ka jingthoh dei ma ki.Kane kaba pynsat palat ia ki nongshong shnong, nalor bym ioh lait tikna nalor hap siew ka bil light ba heh.
Ym tang katta ka light por khreh shet khreh tiew ka lip wan pat da la dep shet ,bad khamtam ruh por khreh kot khreh sla ki khynnah skul.Kane ka dei ka jingshim kabu ki briew kiba trei ha kane ka kam khamtam ia ki thaiñ nongkyndong bapli ki iohi ba kim nud ban ialeh kum ha ki jaka sor kiba shu sngap. Nga kyntu namar kata ko ki nongtrei ha kane ka department khamtam ki nongsam bil light to trei hok wat mlien ka rhah spah bymhok ban shu ñioñ beiñ ia kiba duk basuk hynrei ban trei hok khnang ba kan wanrah ka jinghun u paidbah bad phin ioh ka jingkyrkhu na u Blei bad ban lait na kiba bun ki jingeh ne jingiakhih jong u paidbah.
Peitngor Mawlong
Baki leh experiment artat2 te 😄😄