KA JINGPYNLIP BORDING HA NONGKYNDONG

 Katba nangiaishah nang shah khein pynban ki biej

Haba peit ia ka ka jingpynlip bording (Load shedding) jong ka ophis MeECL ha ki shnong Nongkyndong i kumba ka Tarajur ba thew ka noh  shilliang palat  haba ianujor bad ha sor shillong.kane ka la pynjynjar jingmut bad pyndukha mynsiem ruh ia ki Nongkyndong bapli namar nalor ka load shedding kaba arsien ha ka shisngi ka dang bun pat sa ka jingpynlip bording khah khah bym lah shuh  ban niew ha ka shi sngi bad la da shim jingkhein ia ki Nongkyndong ka long ha ka shi sngi ki ioh jingshai (Light) tang kumba 4 kynta lane tam malu mala,bad kane ka la ktah shisha haduh katta katta ia ki ba bun ki bynta ka jingim jong ki. Lehse tangba shong ha ki shnong ba kham pajih na sor shillong na ka liang jong phi ka ophis  MeECL phin pynlip bording khah khah katba mon kata ka long ka ba bakla shibun eh, hoiod la da jur slap ka lip ba jur u slap ba jur ka leilieh ba jur ka jingtied u pyrthat hynrei wat haba rang shit kyrang bha ka bneng ruh ka jinglip ka long hi khah khah kane la wanrah jingeh ia ki briew ki ba shong ba sah ha ki shnong ba kham pajih na sor shillong ,bad ka wanrah ruh ka jingkylli Kaei ka jingiapher hapdeng ki briew ba shong ba sah ha sor shillong  bad ki briew ba shong ba sah ha Nongkyndong? Ha shillong nalor ka load shedding bad lada jia ba ka ka light ka don jingthut bad ka lip kaba slem eh ka long 15 minit ka la meh  bad la da lip light ha nongkyndong pat kaba kloi eh ka long 1 kynta ka jingmeh ka light, bad nalor ka jingpylip light khah khah ynda la kut bnai pat ka bill light kam ju don jinghiar eiei na ka liang ka ophis jong phi hynrei tang ka jingkiew bad ngi dei ban siew beit ka bill light bad lada ngim siew tang katto katne bnai la shah pynduh light ,Ka jingkylli ka long Hato ki Nongkyndong jong ngi kim ju siew bai bill light ? ki siew tang ki ba shong ba sah ha Sor shillong ? ba ka jingiapher ka rukom ai bording ka la iapher mar shiliang lum shiliang wah,  kane ka la ktah ia ka kamai kajih ki Nongkyndong bapli nalor ka bai siew bill light sa ka bill Mombati lane umphniang sharak ruh ka kiew bad ka daw baroh ka dei ka jingpynlip light ka ophis MeECL jong phi.Ym tang katta kawei pat kaba ktah palat ka jingpynlip bording khah khah ka long ha ka por Exam, ki khynnah skul Nongkyndong bapli ki hap ban khreh kot tang da ki momati lane  umphniang sharak   kum ha ka juk hyndai bym don light haba ki briew baroh baroh ki ia beh ia ka juk shai mynta ban pyndonkam da ka light ka long ban pynsuk pynduna ka bai lut bai sep phew se i kumba ka long da khongpong pynban, namar kiba shong ba sah ha Nongkyndong ngim lah ban len kiba bun hi, ki dei ki ba duk kyrduh  kumta sa ka bai bill light ka ophis jong phi sa ka bill mombati khreh kot ki khun,ki bapli ki ba bylla mynsngi shet da miet ki la dap ram tang ka bai bill light bad ka bill mombati, te kum ka jingpashat bad  ai jingmut lem ia ka ophis ba donburom jong phi ka long nalor ba phi la ai ka  load shedding ba ar sien shisngi sngewbha ban pynduna noh ka jingpynlip light ba khah khah khnang ba ma ngi ki ba shong ba sah  ha ki bynta ba kham pajih na sor shillong ngin ioh jingmyntoi lem ha kaba ngi pyndonkam ia ka light kum ba ioh ki para doh para snam kiba shong ba sah ha Sor shillong baroh kawei.