KA JINGPYNKUP BUROM DA KA TNAT PULIT ÏA KA VDP KHLIEHSHNONG, SOHRA

Shillong: Ka ophis trei kam jong ka tnat Pulit ha ka jingïalam lynti jong u Superintendent of Police, East Khasi Hills ha jingiatrei ryngkat bad U SDPO, Sohra Civil Sub Division, Officer Incharge, Sohra Police Station, BDO Shella Bholaganj, ki nongmihkhmat na ophis jong u Superintendent of Police, East Khasi Hills ki pynlong ia ka jingialang ha ïing Dorbar Khliehsnong ha ka 3 tarik Naiweing, 2021 ha kapor 3 baje janmiet ban pynkupburom bad ai khusnam ia ki dkhot jong ka VDP ha jingialam da u President Bah Alexson Diengdoh, Secretary Bah Pynlang Shangpliang.

Na ka liang ka ophis jong u Superintendent of Police, East Khasi Hills ka la ai ruh ia ka syrnot ha ka VDP, Khliehshnong halor ka jingiakit ïabah naduh ba sdang ka khlam (COVID 19), jingpahara ha Shnong ha thaw, jingia don bynta ha ka pdiang burom ia ki heh ki haiñ, ka jingiatrei ryngkat bad ka tnat pulit ban the lakam ia ki kam sniew ha Shnong.