Ka jingpynkhreh ka la iaid ban pynïoh jingithuh ïa CWASU na UGC, ong u myntri

Shillong: Ka Sorkar Jylla ka la pynkhreh shaid shaid ïa ki jingdonkam ban pynïoh noh ïa ka jingithuh ïa ka Captain Williamson Sangma State University na ka University Grant Commission (UGC).

U Myntri ka Tnat Pule Puthi Rakkam A Sangma ula pynbna ba hadien ba la ïoh ïa ka jingithuh, ka Sorkar kan sa sdang ban khot pynïasoh ïa ki college bapher bapher ka Jylla sha ka University.

Kane ka sienjam kan pynaram ruh ïa ki samla pule na ki jingeh ba ki mad haba ïadei bad ka jinghap ïakhun ïa ka eksam Central University Entrance Test (CUET).
Ki samla Pule kiba jied ïa ki college kiba ïasoh bad ki State University, kin ym donkam shuh ban ïakhun ïa ka CUET.