Ka jingpynjah ia ki File ha KHADC,shano kan ialam?

Babu Kular Khongjirem

Mar ia khyllem ka EC i bah Teinwell Dkhar jong ka UDA,ka NPP ka la shimkhia ban beh seng noh wut wut khlem pynslem(immediate effect) ia i bah P N Syiem namar dei ma i iba la shet kylla ban pynkhyllem ia ka EC NPP-UDP ha KHADC.

Hadien ka jingkyllem ka EC ka UDA,khih win sa ka jingkynnoh ba jah ki bui(file) ha KHADC khamtam eh jong ka tnat Trade kaba ju bat da i Bah Paul Lyngdoh.Ki paidbah ki la kyndit bad lyngngoh hi thlim bad kim tip shuh mono ba dei bad mono pat ba lait.I Bah Paul i la ai ka jubab kaba biang ba ki file kim jah satia hynrei la buh bha(saved) noh ha ki computer(computerised) katkum ka jingstad kane ka juk mynta.

Ki jingkynnoh kilong balei CEM thymmai ba marwei u target tang ia ka tnad Trade,imat ka dei ka Department kaba bun doh kshong bha ha District council?Ka jingpynksan kalong mar kylliang bad UDA bad UDF. Ka jingiakam bun paid(majority) ruh kaba itynnad bha ha KHADC.

Na ki 29 ngut ki MDC lada khein lang ia ka jingbun briew ki ar liang mamla ki mih haduh 32/33 ngut pynban ki MDCs.Ka sorkar MDA jong ka NPP bad UDP ruh kam lah satia ban pynjari ia kata ka jingsynshar administrator wat hapdeng 2 bnai tam mynta.Kane ka kynrum kynram ka nang jur nang jur katba nang mih ki sngi haduh ba kiba bein bad kren kylla ki ngat bad ngop kylla pynban ia lade.

Ka jingleh i Bah PN Syiem bad i bah Paul Lyngdoh ki don la ki jong ki jingthmu jongki. Hynrei ka political career jongki ruh ki hap ban da khan bad pyrkhat sani bha.Ki dei ruh ban plan bha jai ba ka election 2023 kan nym bakla satia ia ki.Ki dei ban wad lypa ki buit (trick) jongki na kano pat ka political party ba kin lah ban pynngeit(convince) ia ki paidbah nongjied(voters) khnang ba kan nym bijai ei ka political career jongki, lym kumta ki lah ban ngam noh ha ka jinglong nongialam ba la ih bha jongki.

Long katba long, ka jingiakynnoh ba jah ki Bui(files) ha KHADC ka dei pynban ka kam ban pyniatylli bad pynia sngewthuh jingmut hapdeng u nongkynnoh bad u nongshah kynnoh.Wat ju kren bein ne kynnoh ia kiwei ba ka poi ne bit pynban kha-ma-kha sha lade,’Haba kren bad haba leh ia kiwei,Mynno ba tang ia kiwei kan leit dei,Ka nongkylliang ruh ka ju jia kylla,La ka long kaba sniew ne kaba bha’Ka Science ruh ka pynskhem ia kata bad la thoh ‘In every action,there is an equal and opposite reaction’