Shillong: U Gabriel T Mawlong u ba long u samla u ba la wan ban shim bynta ha ka jingiakop rwai “India talent Fight” u la pynpaw ba ka jingdon jong ki Voting Coupon, ha ki jingiakop bapher bapher ka pynduh mynsiem ia ki riew don sap namar kane barabor ka ju niew lang ia ki jinglah die jong kine ki Coupon bad ka jingai point ki nongbishar.
Haba ia kren bad ki nongpathai khubor u samla Gabriel T Mawlong 24 snem ka rta u ba shong ba sah ha Mawprem ula iathuh ba u la leit ban ia shim bynta ia ka jingiakoprwai ha ka India Telent Fight ha Dherradhun ka ba la sdang na duh u bnai Nailur jong u snem ba la dep bad u la poi haduh ka Semifinal hynrei u la shah rem noh ha ka 11 tarik u kyllalyngkot 2020.
U samla Gabriel u ba ju sngewtynnad ban rwai naduh ba u dang khynnah ha kaba u la leit ban ia shim bynta ha ki bun tylli ki jingiakop ha kylleng ki jylla jong ka ri kum ka Nalari Rympei,Gospel Singing Competition,Sur Sargam, Northeast Idol, Saregamapa, Northeast Got Telent,Sur (Season2) bad ka Indian Idol.
Na ka liang u samla Gabriel u la ai khublei ia baroh ki MLA,ki MDC,ki Sengbhalang bad riewshimet ki ba la iarap ban kyrshan ia u ban poi haduh kane ka kyrdan.
Phi don ban ong eiei?