Ka jingpynbna na ka Joint Committee ka Mynso A & Mynso B

Khnang ban teh lakam ia ka jingpur ka khlam COVID 19, ka Join Committee on Village Covid 19 Management, Mynso A & Mynso-B, ka la buh katto katne ki kyndon, kiba long kumne harum:-

1) Ban khang shwa shipor ia ka iew Pyngkat, tad haduh ban pyntip da kumwei pat

2) Haba don ba iap briew, la kyrpad ia kiba ha iling ba kin sngewbha ban ym pynshong sngi, hynrei ban tep / thang mar mar ia ka met ha ka Sngi ba bud.

3) La mana ba yn ym Shah ia kiba nabar shnong ban wan ontep haba don ba iap, lait tang ia kito ki ba don jingiadei kaba jan bha bad u/ka nongiap.

4) La Mana ruh ia ki paid nongshong shnong baroh ba kim dei satia ban leit ontep briew sha kiwei pat ki shnong, lait satang lada don ba iap kiba iajan bha. Lada don Kum kine ki khep dei ban pyntip lypa sha ki nongialam shnong, shwa ban leit .

5) Haba don ba iap briew, yn ym Shah satia ban iashong slem ha iing iap briew, khnang ba yn lah ban bud ia ki kyndon ba la buh da ka sorkar, kata ban don ha iing iap briew ym palat ia ka 20 ngut nalor ki trai iing.

6) Baroh kiba wan ha iing iap briew, yn thoh ia ki kyrteng bad mobile number jong ki ha ka Register bala pynkhreh da ka Committee.

Na ka bynta ki dukan ;-

7) La bthah ia baroh ki trai dukan ba ki dei ban bud ia kine ki kyndon kumne harum :-

a) Baroh ki dukan Kim bit ban Shah ia ki nongthied ban rung hapoh dukan ha ka juh ka por palat ia ka 2 ngut.

b) Ki trai dukan Kim dei ban Shah lane die tiar ha ki khynnah, lane ha ki nongthied kiba rung khlem Deng Mask.

c) Ki trai dukan ki dei ban buh habar dukan ia ka Hand Sanitizer lane ia ka um bad ka Handwash khnang ba ki nongthied kin sait kti shwa ban rung shapoh dukan.

d) Ki trai dukan ki dei ban buh kawei ka Register bad u khulom. khnang ba baroh kiba rung hapoh dukan khamtam ia kiba nabar shnong, kin ioh ban thoh ia ka kyrteng bad mobile number jong ki.

e) Ia ki dukan kiba pynkhein ia kine ki kyndon, yn khang shi syndon.

8) La Mana bad khang pyrshah ba ym bit satia ban pynlong ia kino kino ki jingkhawai, lane kino kino ki kynja tamasa bad jingialum paidbah.

Na ka bynta ki Kali kamai:-

9) Ki Driver Kali kamai Kim dei satia ban kit passenger palat ia ka Capacity kumba la buh da ka sorkar.

10) Ki Driver kali kamai ki dei ban husiar ban kit ia ki passenger ki bym ithuh, kham tam ia kito ki bym dei satia na kine ki thain jong ngi.

11) La Mana ia ki Rawon ba nabar shnong ba kin sngewbha ban ym wan khwai ha ki wah ba hap hapoh u pud ka Shnong Mynso

12) Ka Committee ka kyrpad ia baroh ba phin sngewbha ban ia trei lang khnang ba ka jingiakhun pyrshah ia kane ka khlam kan poi sha ka jingjop.

Khublei shibun

Sd/

Shri Arnesson Syntem

Secretary

Join Committee on

Village Covid 19

Management, Mynso

Sd/

Shri Elington Sungoh

Chairman

Join Committee on

Village Covid 19

Management, Mynso