Shillong:U myntri ka tnad pule puthi ka jylla, u Rakkam A Sangma ula ong ba ka jingiapynbeit ia u pud u sam hapdeng ka Meghalaya bad ka Assam kan iaid hynrei ka jingiadei para briew ka dei ban long da kawei ka rukom.
Haba kren mynhynnin ka sngi, u Rakkam u la ong ba ha ka jingiadei para briew, kam don pud kam don sam hynrei ka jingiadei halor ka khyndew ka shyiap, ka jylla Meghalaya bad ka Assam ki dei ban pyniaid shakhmat ban pynbeit ia kiba dang sah sa 6 tylli ki jaka hadien ba kila dep ban iapynbeit ha ki 6 tylli ha ki snem ba la leit.
U Rakkam u la ong ba ki Regional Committee ki dang pynkhreh shaid shaid ia ki kaiphod ban aiti sha ka sorkar shwa ban iaid shuh shakhmat ban pynbeit ia ki jaka ba dang sahteng.
Ula ong ba ka jinglong jingman ka long kaba jai jai hapdeng ka Meghalaya bad ka Assam hynrei namar ba dang bunkam namar ka elekshon, ka shim por ban pyntyllun ia ka kylla kaba ar.
Ha kajuh ka por, u la ong ba ka sorkar jylla ka la ioh pisa mynshwa na ka sorkar pdeng ban pyntreikam ia ki skhim pynroi ha khappud hynrei mynta kumba 3-4 snem ka la sangeh bad ka sorkar jylla ka la pyrshang na ka skhim lajong ban iarap ia ki paidbah ha khappud.
Mynshwa ym juh don kata ka jing ia pynbeit pud balei hap ban shu ia pynbeit hi ruh la don lypa u pud naduh mynshwa, tag namar ka jing trei hok ka ne ka sorkar thymmai ha ka juh ka jaka hap ia pynbeit 2,3 sien kat dang jur ka jing ia pynbeit kata dag rit ka meghalaya a ko riew miaw bam khun ym don jing lehraiñ shuh namar ka kor ka pla lajong ym lei² shuh tagba wat bakal ioh sha die sha ki kmie ki kpa