Ka jingpynbeit pud bad ka Assam ka jwat bha: Conrad

Shillong: U Myntri Rangbah ka jylla u Conrad K Sangma u la pynpaw ia ka jingjwat ban pynbeit pud mar mar bad ka Assam namar ba kane ka kam ka dei kaba la sdang mar ia sdang ban thaw ia ka Meghalaya.

Haba kren  mynta ka sngi hadien ba la mih ka jingjia ha Langpih hynnin ka sngi ha kaba ki Khasi ki la shah tied ha ki pulit Assam, u la ong, “Kam dei ba ka Assam kam kwah ban iapynbeit pud hynrei ka kyntait ban pdiang ia ki jingkam ka Meghalaya bad kane ka dei ka jingeh”.

U la ong ba kane ka kam ka la sdang naduh ba la thaw ia ka Meghalaya bad ka kam dei kaba suk ban shu pynbeit noh bad hap ban wad ia ka por, ka jaka kaba biang.