Ka jingpynbeit kali na ka bynta ka jingiaseng Synod Mihngi ha Smit

Shillong, 16 Lber:
Ban lait na ka jingdheng kali  palat ha ka sngi U Blei  ka ophis jong ka Dorbar shnong  Smit ka la dep pynbit pynbiang  na ka bynta  ban pyniaid ia ki kali kiba wan sha ka tei ka jingiaseng synod , ia ki kali rit kiba wan  na ki thain Jaintia hills  kin rung na lad Smit ki iaid lyngba  ka shnong Urmasi-U-Joh  kin buh ia ki kali ha Parking no 1 pyrshah ka iing sad ka Hima Khyrim,  ha Mawmluh parking no4, ha madan  phutbol Wah ing syiem No 3, ha Donbosco Higher secondary, Smit parking No 10,Nangta ki kali heh pat kin buh ki kali ha ka parking No 18,  Mawmluh pyrshah ka Presbyterian school.
La pynbeit ruh ia ki kali rit kiba wan na ka thain Shillong kin rung na ka lad Nongkrem na Nongkrem sha Umphrup kin don artylli ki lad kawei sha madan Panhok ka parking No 2 harud ka wah Umiew bad ka wei kan poi sha Umiew Maw-U-Sam ha parking No 7 bad 8  ha syndah ka wah Umiew baroh artylli ki parking.  Hakine ki parking lah ban buh  ki kali heh bad kali rit kumjuh.
Bad ki kali kiba na ki thain Dawki- pynursla  kin iaid lyngba ka Liatlyngkot  khynthup ruh ia ki kali kiba wan na ki thain  Mawlai- Mawkynrew haduh Thangsni kin pynsangeh ia ki kali rit ha madan football Umtngew ka parking No 11 bad  ha khapmaw parking No 12. Ki kali heh kin buh kali ha Madan football Mawkatein parking No 9 bad Masan Maw –U-Sam parking No 15. Ki kali VIPS (kiba don car pass) kin rung na Lad Smits ha Smit kin buh ia ki kali ha Krisimai Syiemsad Stadium, ka parking No 17. La ai ruh da ka “Ym bit rung” ia ki kali heh ki trok ban iaid lyngba ka shnong Smit ha ka tei ka sngi U Blei baroh shi sngi.
Ia ki kali kiba leit sha Shillong naduh thangsning sha rum kin iaid lyngba ka Laitdiengsai-Laitlyngkot, ym shah kali ha baroh ka surok Smit- Shillong bad Smit- Thangsning.