Ka jingpynbeit kali na bynta ka jingwan u Modi

Shillong, 24 Jymmang:
La pyntip paidbah ia ka rukom iaid rukom ieng ki kali ha ka sngi ban wan u myntri rangbah duh ka Ri u Narendra Modi ha nongbah Shillong ha ka 27 tarik u jymmang naduh ka por 8 baje mynstep.
La pynbeit ia ki kali kiba wan na Happy Valley bad Laitumkhrah ba ki dei ban iaid lyngba ka surok NEEPCO lyngba ka Demseiniong-Pynthorumkhrah- Golflink – Polo Parking Lot. Kiba wan na thaiñ Rynjah bad Mawdiang diang ki hap ban iaid lyngba ka Nongmynsong/Deimsein iong-Pyntho rumkhrah-Golflink – Polo Parking Lot. Kiba wan na ka thaiñ Jhalupara, Mawlai bad Jaiaw ki hap ban iaid lyngba ka Jingthangbriew –Lawmali- Forest Colony – FCI – PTS- Golflink – Polo Parking Lot.
Kiba wan na ki thaiñ Laban, Bishnupur bad Police Bazar ki hap ban iaid lyngba ka Raj Bhawan –Ward’s Lake – Polo – Lawmali – FCI- Mawroh – PTS- Golf link – Polo Parking Lot. La pynbna ba ym shah ban iaid lynti na Lawmali sha Polo, na Pinewood sha Camel Back Road, na Gurudwara sha YWCA, na Commerce College sha B.K. Bajoria School,na Saw Furlong sha C.S. Junction bad na P&T sha C.S. Naduh na jaka hiar helikoptar shaduh sha madan Polo kan dei ka lynti iaid jong u myntri rangbah duh ka ri bad la maham ia baroh ba kim dei ban pynieng kali ha shi lynter katei ka surok. Yn shah tang ia ki kali kit nongpang ban iaid ha kitei ki lynti ba la khang ia kiwei pat.