Ka jingpyllait ia ka kot shaphang ki missionary da ka Vice Chancellor ka MLCU

Shillong: Ha ka janmiet ba itynnad jong ka shnong Mawklot, ha ka Sngi Palei 20tarik u Risaw 2022, ka Dr TK Kharbamon, Vice Chancellor jong ka MLCU ia la pyllait ia ka kot ba kyrteng “The Welsh Presbyterian Mission in Sylhet, Bangladesh and Jaintia Hills, India – Memoirs of the Lewis Family” ba la thoh da ka Marilyn Lewis ka khun na ka longiing jong ki Lewis ki missionary na Wales.

Na ki thup shithi ba bun jong ki kmie ki kpa, ka Marilyn Lewis kaba mynta ka shong ka sah ha New Zealand, ka la buddien ban iathuh shaphang ki jingiakynduh jong ki kum ki missionary ha ki snem 1933-39 ha ri India. Ha kaba kynthoh halor kane ka kot, i Dr Kharbamon i la ong ba kane ka long ka ‘thup ba la pynwandur ha ki kyntien’ shaphang ka jingaiti bad jingshakri jong ki missionary.

Ia kane ka program la pynlong ha ka Chapel jong ka JRTC ha Mawklot bad ia ka jingialang la pyniaid da i Rev Dr BS Sohkhlet, Vice Principal ka College.