KA JINGPANG SHINI (DIABETES)

Kong Linda Kongwang

Hato ka jingpynrung shini haka met ka don jingiadei halor ka jingngat ha ka jingpang diabetes? Ki jingbam kiba ai jingiada halor kane ka jingpang.

Kat kum ka jing wad bniah da ki riewshemphang, ki kdew shai ba ka jingjur ban bam ia ki jingbam ba khlehlang bad ka shini kadon jingiadei halor ka jingngat na kane ka jingpang(diabetes). Ki jingbam ba don ka shini(fructose) kiba ngi ju shem haki jingdih pyngngad, ki jingbam thiang bad kiwei de ki don jingma ban ngat haka jingpang kaba ktah haki metabolic.

Kaba bam palat iaki jingbam ba bun shini kalah ban pynkiew iaka jingkhia ka met bad kane ka ktah ha kiba bun ki rukom treikam hapoh ka met. Ka jingjur ka jingkhia ka met bad ka jingduna ban pynkhih pynksar ka met ka phad lane ka jingbymkilan met tista bad jur ban bam ki jingbam ba bun shini, ka fat bad ka calories, kilong ki daw bah ban ngat bad shahktah na kane ka jingpang shini.

Ka insulin kadei ka hormones kaba kongsan tam napdeng kiwei kiba lah ban tehlakam iaka glucose haka snam hadien ba phi la dep bam. Ka jingkyntait ka met ban pynmih iaka insulin, kadei ka daw kaba hakhmat tam ban shahktah naka jingpang shini. Ka jingbymlah ka met ban pynmih iaka insulin kadei naka daw ka jinglumthup ka fat bad ka jingjur ka jingdon shini ha u klongsnam kaba mih naka jingshahktah kaba la tip kum ka carbohydrate responsive element binding protein (ChREBP).Lada phi dei kito kiba ju mlien ban kynthup bun ka shini haki jingbam ba man ka sngi jongphi, kine harum kilong ki jingbam kiba lah ban ai jingiada ban pynduna ka jingdon ka shini haka met.

1. KI SLA JHUR JYRNGAM:— Baroh ki slajhur jyrngam kidei kiba ai jingkoit jingkhiah bad pynduna ka calories. Ki kynthup haki shibun ki jaid Vitamin bad minerals khamtam ka Vitamin C. Ki nongjurip bniah ki pynpaw ba kito ki briew kiba don jingpang diabetes ki duna ka jingdon ka Vitamin C haka met ban iakito kiba ymdon ia kane jingshitom. Kalong kaba donkam ban kynthup iaki jhur jyrngam haki jingbam jongphi namar ka jingdonkyrhai kane la Vitamin C hakine ki jhur kalah ban iarap iakito kiba don ka jingpang shini.
2. U SHYNRAI:—- U shynrai la jutip ba u don iaka compound curcumin kaba lah ban tehlakam halor ka jingngat haka jingpang shini. Watla u shynrai um lah ban ai ka jingiada kaba paka hynrei u lah ban iarap pynjlan naka jingshahktah naka jingpang shini.
3. U SOH APUL:— Une u jaid soh la jutip ba udon ka Anthocianin, ka compound kaba lah ban tehlakam halor ka jingdon ka shini haka snam bad uba treikam bha naka bynta ka jingkoit jingkhiah jongka met.
4. KA CHEESE BAD KA DOI:— Kine ki jaid jingbam kidei kiba iarap shibun naka bynta kito kiba shahktah naka jingpang shini bad ruh naka bynta kito kiba duna ka fat. Ka jingpynmlien ban bam ia kine ki jingbam ka iarap ban pynduna ka jingkiew ka shini haka met bad haka snam.
5. KA PYLLENG:— Ka dei ka jaid jingbam kaba ai jingmyntoi shibun iaka jingkoit jingkhiah jongka met bad kadei kaba biang tam ban kynthup kawei ka pylleng khamtam haka por bamstep namar kalah ban pynduna naka jingshahktah ha kiba bun ki jingpang, khamtam kito kiba don ka jingpang shini.
6. KI SYMBAI SOH SHIAH:— Katkum ka jingwadbniah daki riewshemphang ki lap ba ka jingbam ia kine ki jaid soh la pynjur halor ka jingtreikam bha ka protein haka met kaba pynlong iaka LDL cholesterol bad ka blood sugar ban duna ka jingdon haka met. Kilong ki daw ba kongsan eh halor ka jingma ban ngat hakane ka jingpang. Ban bam ia kine ki soh ka ai jingmyntoi shibun namar ki iarap pynduna iaka kingdom ka glucose haka snam.
7. KI SOH BERRIES:— Kine ki jaid soh ki ai jingmyntoi shibun iaka jingkoit jingkhiah jongka met ha baroh ki liang. Kidei ruh ki thymmei halor ka jingdon ki nutrients bapher bapher. Kine ki soh kim don ka calorie bad ruh ki duna ka shini, hynrei ki jur ban don ka fibre kiba iarap bha naka bynta kito ngat nakane ka jingpang.
8. KI MINT:— Kine kim lah ban ai jingkoit hynrei ki iarap ban pynduna naka jingkwah ban bam thiang. Ka jingpynduna bad ymkwah ban bam thiang ka iarap pyllait na ka jingma ban ngat hakane ka jingpang bad ki mint kidei kiba biang tam ban lait naka jingkwah bam thiang.
9. BAROH KI JAID SOH:— Bun ki jaid soh ki don lypa ka shini haki kiba ym shymktah satia iaka jingkoit jingkhiah jongka met. Ki soh ki dap kyrhai ki nutrients bapher bapher haki kiba aibor iaka met bad kalong kaba donkam ban bam ia ki soh kiba phi lah ban ioh katkum ka aiom bad bam iaki haba phi kwah ban bam iaki jingbam bathiang.