Ka jingpang klet biej jongphi, ka pynklet, wat ia ki jingtrei kam ka sorkar, ong U Gokhale, ia U bah Prestone; kob iatainia sa bad U MR

Shillong:U nongaiktien ba rangbah jong ka Seng All India Trina mool Congress,mynta ka sngi u la kob sa ia u myntri rangbah jong ka jylla.

U Saket S Gokhale, ula buh ia ki phang kum u smart meter, ka jinghap jong u dome, ka jing bym iaid beit iaid ryntih jong ka smart City project, Saubhagya skim, ka jingthied kali bym hok ki tnat pulit.
Ha kawei pat ka liang, haba pynphai kylla ia ka jingkren jong u myntri Rangbah ka jylla, ba un um iatainia bad ki Tom,ki dick lane u Harry, u Gokhale u la ong bad pynkynmaw ia ka jingialang ha nongbah New Delhi, la iakren shibun kiei kiei ban ithuh shai ba kum u nongaiktien jong kawei na ki Seng ba wan ba ar ha ka jingbunpaid ha ingdorbar parliament.

U Gokhale, u la buh jingkylli ruh ba balei ka sorkar MDA ba la ialam da u Conrad sangma ka tieng ban iatainia, haba kam don kiei kiei kiba ka buhrieh, hynrei ban iatai ia ki mat ki bym iahap, katkum ka jingtreikam jong ka sorkar.
Kiwei pat ki mat ba la phah da u Gokhale, lyngba ka shithi, ki long ba bun na ki nongialam jong ka national people party ka long ba ki shu ai ia ki daw bym sngew iahap ban lait na ka jingiatai halor ki phang ba ka sorkar ka ialam bakla ia ki paidbah jong ka jylla Meghalaya.U Gokhale u la jer ruh ia ka kyrteng jong u MP ka NPP sha Rajya Sabbha u Dr WR Kharlukhi u ba long ruh kum u president rangbah jong ka party NPP ha jylla Meghalaya.

Haba ai jingkren shaphang u Myntri Rangbah ka jylla u Gokhale u la thoh”Nga peit shakhmat ia ka jing ai jubab ka jong phi ha ryngkat ka tarik bad ka por, katkum ka jingsngew thuh ka jongphi, ha ka taiew ba nyngkong jong u bnai Risaw, ba ka jingiatai ia bad uno uno u myntri, ka sorkar MDA, kan sa phah pyrshah ia u Gokhale.
Kum ban shu pynkynmaw, ha kaba nyngkong u Saket Gokhale u la kop iatainia ia u Bah Prestone Tynsong u symbud myntri Rangbah jong ka sorkar jylla, halor ki mat kiba ktah ia ka jylla, la ka dei ha ka jing pyniaid bad ka jingdkoh jong ka sorkar ban pyntyllun ia kiba bun ki skhim, ha kaba na ka liang jong u Bah Prestone Tynsong u khlem jubab thikna halor kane.

U Saket Gokhale, u lyngngoh ia ka jing ong jong u Bah Prestone ba um ithuh, ia uta u Saket Gokhale bad balei ba ka Sorkar MDA kan iatainia bad u bym ithuh?.U Gokhale u la pynkynmaw ia kawei ka por ba ki ia bamja lang, ha kawei na ki dukan bam ba pawnam ha Nongbah Delhi ha u snem 2019 bad la iakren ruh iabun kiei kiei bad u ong shuh “Wat la ka jingpang klet biej jong phi ka pynklet wat ia ka jingtreikam jong kane ka sorkar ba mynta kaba phi ialam”.

U Gokhale u la iathuh ba u dei u nongaiktien jong ka Seng Trinamool Congress, kaba don ha ka liang pyrshah bad kum kawei na ki Seng kaba bun paid tam ha ka iing dorbar jylla bad hapoh Parliament ruh kumjuh. U la ong “Phim da dei ban tip ia u shimet, hynrei ka jingkyrmen ka long ba phi dei pat ban tip ia ki mat ba ka jylla Meghalaya ka takhuh bad kynduh. Ka jingiatainia ruh kam da dei eh, na ka bynta shimet jongno jongno, hynrei ia ki mat ba ka sorkar MDA ka dkoh haba pyntyllun ia ka roi ka par ha ka jylla bad phim da donkam ban tip ianga”.
Ha ka shitaiew bun bah ki nongialam jong ka National people’s party ki kren bad ai daw ban lait na ka jingiatainia, kumba u Bah Prestone Tynsong, u kren, la kynnoh u Saket, hynrei ki mat hi kin dei beit ia ka jingialam bakla bad dkoh treikam ka sorkar MDA.