Ka jingpang khlam corona, ka her slem bha ha ka lyer, ong U Director ka AIIMS

Ka la don ka jing iakren, naduh kham mynshwa, ba ka khlam corona virus, ka dei kaba her ha ka lyer lane ha ka haw haw, bad mynta, U Director ka AIIMS, ula pyn thikna ia kane, da kaba u pdiang ba ka dei kaba her ha ka lyer bad ka neh kham slem ruh ha ka haw haw.

U Director Randeep Guleria, Director ka AIIMS-Delhi, u ai jingmut, ba ha ki kamra hapoh iing, dei ban ailad ia ka lyer, ba kan rung bad kan mih laitluid. “Ailad ia ka lyer, ba kan rung kan mih ha ki kamra kiba set khop, namar ngi tip shai ba ka jingpang jong ka khlam covid, ka her slem bha ha ka haw haw, ban ia kaba ngi pyrkhat” ong U Dr Randeep Guleria.

“Kiar na kaba ia shong bun briew” ula ong shuh shuh.

U Director ka AIIMS, u ong shuh shuh ba kito kiba la dep shah injek ruh, ki dei ban iai bteng ialade, ban deng mask, namar ba kin don kiba iajan bad ki, ki bym pat dep injek satia bad kumta, ki lah ban ia bit jingpang biang.