KA JINGNGEIT NIAM NGEIT BLEI

Phuh syep phuh syar phur……..haba wanrah kum kane “phang” ha khmat uba bun balang.Ka long ka phang (Subject) kaba eh ban iathir iatai, dum ka stad ka pyrkhat, suhjer ki thied ki jaw.Hynrei watla katta ruh,ka long kaba donkam ban iakren iatai namar ka dei ka “Dohnud” Jongka longbriew man briew, kaba lah ban shna har rukom khamtam haka ban thaw bad pynwandur iaka sainpyrkhat ka longbynriew manbynriew!!!!.
KA JINGNGEIT NIAM NGEIT BLEI , lah ban ong kadei kata ka jingleh jingkam, bala khein kyntang iaka da ki briew baroh, naba la ngeit ba kadei kaba la buh la ai da U Blei.Katkum ka khana pateng pakit,Ka ong, “U Khasi naduh ba u la nguid noh iaka kot ba ai U Blei”Te haduh mynta mynne um don kot don sla ban pule ne pyndonkam haka por “lehniam”.Baroh ka jinglehniam,ka long naka Khana pateng, lyngba ki knii ki kpa bad kane ka hiar pateng haki longdien man dien.
Kumta te, kala wan jia long haka jaidbynriew khasi, KA JINGNGEITNIAM NGEIT BLEI daka khana pateng la pateng.

Kiwei pat ki jaidniam kum ka Niam khristan ruh la thaw dur thaw rynieng iakata ka JINGNGEIT NIAM JINGNGEIT BLEI, katkum ka jinghikai U Jisu, bad katkum ka Jingleh jingkam ki Apostles, kumba la iathuh haka Bible, katkum ka Kitab ba thymmai (New Testament).

Kane ka JINGNGEIT BLEI lyngba Kata KA NIAM, la shem ha pyrthei ka long ka jyrwit jyrwat iaka longbynriew.Hakane ka pateng bynriew jongngi mynta, ngi sakhi shai kdar, haba ka JINGNGEIT NIAM NGEIT BLEI khamtam  ka NIAM ISLAM i kumba ka long pynban ka Jingeh kaba khih jur haka pyrthei baroh kawei.Ym lah ban sngewthuh bad shemphang Balei kada pynkhih win haduh katto katto?!!! Hynrei lada ngi pule, katto katne ki jinghikai Niam bala thoh ha ka kot “Quran” Ngi shem ba dei U Blei (Allah) uba hikai iaki ban leh kumta!
Kawei naki dkhot haka kot Bakhuid (Quran) jongka Niam Islam ,ka ong Kumne ” Now go and strike the infidel and devote to destruction all that they have. Do not spare them, but kill both man and women, child and infant, ox and sheep, camel and donkey…….(to khie mynta, bad to pom iaki bymngeit baroh, dakaba pynjot baroh iakiei kiei ba ki don bad wat pynim iaki, hynrei to pyniap iaki bad shynrang bad kynthei bad khynnah bad khunlung bad masi bad langbrot……..) surah 27:63.
Bad bun kiwei kiwei pat ki dkhot kiba hikai iaki lyngba u Prophet Muhammad, bala kam bakadei ka jinghikai bala ioh na U Blei (Allah)!!!
Kiwei pat ki jaidniam niam ruh kiba pyndonkam iaka Bible kum ka kot niam jongki, haka kitab barim(Old Testament) lada ki bud ryntih kim phylla eiei naka jinghikai islam.Katto katne ki Nuksa naka Bible katkum ka kitab 1Samuel 15:3, ka ong kumjuh “Now go and strike Amalek and devote to destruction that all they have. Donot spare them but Kill both man and woman, child and infant, ox and sheep, camel and donkey “(…….To khie mynta, bad to pom iaki Amalek, bad to pynjot noh khoit iakiei kiei baroh katba ki don,bad wat pynim iaki, Hynrei men pyniap noh iaki bad shynrang bad kynthei bad khynnah bad khunlung bad masi bad langbrot ki ud bad ki kada ruh…….) .
Kum kine ki jinghikai,ka eh bad shitom palat ban sngewthuh haduh katno ka jingiar bad ka jingmaian jongki!!!
Naba ka jia long kumta,Ka jingkylli ka wan “U ba kumno shisha une U Blei uba ngi mane???Bad kaei shisha ka Niam jongu??? Balei ka iapher nakawei sha kawei pat????
Ban jubab iakitei ki jingkylli ka long kaba shem shitom Namar don bun ki jinghikai niam kiba sngewthuh hala ka jongka jong,shaphang ka Jinglong U BLEI? Ka Jinglong U Blei lehse ka pher nakawei ka jingngeit sha kawei pat.Haba shim naka Jingthoh Bible (Kaba dei ka kot bakhuid ba kham bunpaid kiba pyndonkam iaka)
Nyngkong eh,katkum ka jingngeit khristan ka ong ,”don Lai (3)ha uwei U Blei , kata ka long, U Blei Ukpa, U Blei U Khun, bad U Blei U Mynsiem Bakhuid.Kine 3 (person) ki iasohlang ha uwei U Blei.
Kane ka jingngeit khristan kaba ki ong “God”  Trinity,  Ka ia syriem ,kum ka jingngeit ka Niam Hindu “Ka Tridev NE Trimurti “,Ha ka niam Hindu ruh ki ngeit, ba don 3 ngut kita  ki “Supreme God”, kita ki long,U Blei Brahma,U Blei Vishnu Bad U Blei Shiva (Mahadev)
Katba ki Jew ki ngeit ba don tang uwei U Blei uba ki khot u “Jehovah” kumjuh ki muslim ruh tang uwei u Blei (Allah).
Hato ngi lah ban pdiang lada ong “U Blei u kup lut iaka Jinglong la ka dei kaba bha ne ba sniew???”
Ka Bible ka iathuh, haba u Blei ula buh ia U Adam ha Kper Eden, u la khangpyrshah ban bam ia ki soh dieng Adong, uba long U DIENG KA JINGTIP IAKA BA BHA BAD KABA SNIEW (Jenesis 2:16-17)
Hynrei haba U Adam bad ka Im kim kohnguh iakaba la maham da U Blei,dakaba bam ia ki soh dieng adong, Ka Bible ka ong, kumta U Blei ula kren, “Kine ki briew ki la wanlong kum kiwei “Na Ngi” hi kat ban tip iakaba bha bad ka ba sniew”(Jenesis 3:22).
Hangne ngi sngewthuh, ba ki briew ki la wanlong kum kiwei pat ki Blei, kiba kdup iaka Jingsngew, ka jingtip, ka jingstad, ka jingshemphang bad kiwei kiwei de.Kumta ka jingsngew kaba don ha U Briew, kata ruh ka don kumjuh ha U Blei!!! Ki khristan, ki ngeit U Blei u long U ba BITAR SHLA, U ba THUT SHEN, U ba PYNHIAR KPUT,bad mar pyrshah iakata pat, U don ka JINGIEIT , Ka JINGISYNEI , Ka JINGIATIPLEM, bad kiwei kiwei kumba kine ki jinglong ki iasoh ha U Briew!!!
Shuh shuh haba kham iatai :- Ka Jingmih U Jisu ban shim iaka jinglongbriew,haka jingpynkhreh (Plan)Kaba jia long na U Blei, Kadei kawei pat ka bynta, Ka ba ngin sngewthuh shaphang Ka jinglong U Blei???
Haka Jingpynkhreh ne ka Mission ka jong U Blei, U Jisu u wanlongbriew sha ka pyrthei Hakata ka dur kaba don kyrpang ka jingsngew iaka Jinglong U Blei ha KA JINGIEIT, KA JINGISYNEI, KA JINGIATIPLEM.
Naduh bala wanrah da U Angel Gabriel, iaka Khubor ba yn sa kha ia U Jisu, La pynbna bakadei ka KHUBOR BA BHA. Ka jinghikai khristan, ka ong,  U Jisu hi U Long U Blei, bad Ka dei hi ka Jingmaian ne ka JinglongBlei, kaba u shim (Incarnation) ban wan longbriew shaka pyrthei.Bad la niew ba kadei ka JinglongBlei kaba janai tam,Khnang ban pyndep iakata ka Hukum jongka pop, dakaba U Shah iap halor ka diengphna ban siew iaka kuna, Khnang ban ioh kynti iaka Jinglong Blei kaba lah ban pyndem lut iaki bor Ka dujok (Bymman).Bad halor ka diengphna, shwa ba un dkut mynsiem u ong “LA PYNDEP”.
Ka pyrthei kan long ka Jingeh kaba khraw, lada ki briew, haka Jingngeit Niam Ngeit Blei jongki, kam ia syriem bad ka Jinghikai U Jisu.
U Mahatma Gandhi ha ka jingialeh ban pynlaitluid iaka ri India naka Jingsynshar Ki phareng. Ngi shem ka tynrai jingkhih jingkam bad jinghikai jongu, kam iapher satia naki jinghikai jong U Jisu!.Haduh ba Uwei u nongthoh u ong, “Lada kamjia ba U Jisu khrist U la mih shuwa, U Mahatma Gandhi un dei U Khrist “.Tad haduh ka khyllipmat ba U Mahatma Gandhi u khlad noh naka pyrthei, Um shym la pdiang satia iakata Ka Jinglaitluid Ka Ri India ba kan dei ka Jingshisha. Kane ka jingsngew ka jia ha U, haba u shem ba  ka jingiasngewniam, ka jingiaumsnam niam, khamtam hapdeng ki Hindu bad Muslim ka jur bha hakito ki por!!!
Hynrei hakawei pat ka bynta haba ngi khmih thuh bha, Kaei ka tynrai Jingkwah jong ki jaitniam bapher bapher, Ngi shem ka thong kadei tang kawei, kata ka long ban ioh iaka JINGBHA.
U Muslim ruh, ka thong jongu ka long ban synshar iaka pyrthei daka jingngeit Niam islam,Khnang ba kin ioh ban synshar iaki briew hakata ka jingkwah UBlei. Ngi shem bun kiei kiei ki jingleh kumba ki long kiba bha Wat haka Niam islam, Kita ki long, Ka ba ai iaka Jingpynshitom iakiba bun ki nongleh kam sniew!!! Kum kiba tuh, ne kiba klim, bad kiwei kiwei de ki Jingleh kiba ki ngeit ba ka long kaba sniew ha khmat U Blei! Kumjuh U Hindu, Jew, Khristan, Buddhist,Ki don la ka jong ka jong ka jingthrang ba ki briew kin iasoh sha ka Niam jongki, Khnang ba kan pynsngewbha hakhmat U Blei!!!
Kane ka Jingialeh ban iatan tyllai khnang ban ioh synshar iaka Pyrthei katkum ka Jinghikai Niam jongki, Ka wanrah pynban ka Jingiaumsnam ka jingiapait, bad sngewpher hala ka jong ka jong ka Jingngeit!!!
Wat ka Jingsngew hapdeng ki khristan ruh, lah ban shem ba ka don byllai khamtam harieh ka dohnud!!!
Iakane lah ruh ban shem, naduh ka por U Jisu, haba ki synran ki la wan  ban mudui, ba don u ba ialap haka kyrteng Jong U ,Hynrei um dei pat na ka kynhun jongki. Hynrei U Jisu u la jubab, “Wat adong shuh ia u…………. Naba jar u bym ialeh ia ngi, u long haka liang jongngi…… “(Mark 9:38).
Haba pynkut iakane ka Jingiathir, Ngi shem ba Ki jinghikai U Jisu, ki dei ki lynti, bad Ka Niam Jingngeit Blei, kaba paka tam.
Lehse kin don kiba ong,kam dei kata ka lynti ne ka Jinglong U Blei.
Lada Kamdei kumta,Ka la bha ba ngin hun ban jubab Ha khmat U Blei, ba kane Ka JINGIEID, ka JINGISYNEI bad ka JINGIATIPLEM, Kaba don hapoh Jongngi ki briew, “Ngi la “Failed” ban iaid haka Lynti jongME, Kumta to rai Katba Me ibit halor Jong Ngi !!!

Khublei Shibun

N. B:U nongthoh U pdiang sngewbha iaka Jingkynthoh ne ka Jingpynsngew jingmut halor kane ka bynta.
Shri. Dap B.Syngkrem
[email protected]