Ka Jinglong Blei u Khrist

AIS SUJA

“U Jisu Khrist u don ka jinglong Blei bad ka jingpynim.”Ia kane u Apostol Paul u la thoh sha ki Nong Kolossai ha u snem 59 A.D mynba u dang don ha Rome. U Apostol Paul u la thoh kumne sha ki Nong Kolossai namar ka don ka jingma ia ki Khristan daka jinghikai ba bakla jong ki Jiw namar ki Jiw hi kim ngeit iaka Gospel bad ia u Jisu Khrist , hynrei ki pyllut por ban rakhe ia ka sabbaton , ki jingkhawai niam, rakhe bnai tymmai, bad rakhe jing ia bamdoh haki niam ki rukom.

U Apostol paul u la thoh u la pynshai sha ki NongKolossai ba u Jisu u dei hi ka dur jong u Blei ia uba la kha nyngkong na pdeng ki jingthaw baroh, bad dei ma u uba la thaw ia kiei kiei baroh habneng ha khyndew, ia kiba lah ban iohi bad bym lah iohi, la ki khet ne hima ki jingsynshar ne ki Bor, kiei kiei baroh la thaw da u bad ia u.Kolassai 1:16. Haka Gospel u Ioanis la thoh – Ha kaba mynnyngkong u la don u ktien, bad uta u ktien (Jisu) u la don bad u Blei bad uta u ktien u long u Blei .Une u la don haka ba nyngkongbad u Blei.Da u la long kiei kiei baroh khlem ma u ym shym la long kaei kaei ruh kaba la long. Ioanis 1:1-3.

Kumta u kpa (Blei) u la sngewbha eh baka jingdap baroh kan shong tylli ha u Jisu. Bad da u ban pyniasuk ia kiei kiei halade hi haba ula lah pynllong ia ka jing pyniasuk daka snam ka Diengphna jong u. Kolossai 1:19. Lyngba da une u Jisu Khrist la pyniasuk ruh ia kita ki khun soh syiem (alienated) bad ki nongshun, hynrei mynta u la pyniasuk noh haka met ka doh jong u da ka jingiap halor diengphna iaka ban pynieng ia phi kiba khuid kiba khlem pop kiba khlem jingduna hakhmat jong u. Lada shisha phi iaisah haka jingngeit ia kaba la pynshong nongrim bad kiba neh skhem ki bymkhih noh na kata ka jing kyrmen ka Gospel ia kaba phi la ioh sngew ia kaba la ialap ha u bynriew baroh uba hapoh ka bneng. Kolossai 1:23.

Kane ka juh ka ktien u Blei ka kren mynta ha kita kiba ngeit baroh ba kin ym iaid bakla haka jingtip iaka Gospel bad ia Jisu Khrist ba u long ma u uta u Nongpynim jong ka pyrthei u khun u Blei uba long ka dur jong u Blei hi uba ka jingpynim ka long tang da u .Bad ymdon ka jing pynim hano hano hawei pat naba ymdon da kawei pat ka kyrteng hapoh ka bneng ia kaba la ai hapdeng ki briew da kaba dei ban pynim ia ngi.”Ki kam ki Apostol 4:12.