KA JINGLEHKHUID: Balei ngi dei ban lehkhuid?

[ba bteng]KATTO KATNE KI JINGMLIEN KIBA NGI DEI BAN LEH BAN LONG KIBA LEH KHUID BAD BAN IOH IAKA JINGKOIT JINGKHIAH JONG KA MET.

(A).KA JINGLEHKHUID HA IING:

1. Phi dei borabor ban sait ne thet iaki kti jongphi shuwa bad hadien bala dep bam.
2. Shut iala ki bniat la kumno kumno arsien shi sngi kata mynstep mar ia khie thiah bad mynmiet shuwa ban leit thiah.
3. Ban sum man laka sngi kalong kaba donkam.
4. Ban sait iaki kti hadien ba la dep ialeh kai ruh ka long kaba donkam.
5. Tap iaka khmut ne shyntur haba synriah ban lait naki khniang jingpang.
6. Dei ban da tap bha borabor iaki jingbam ban lait naki jingshah boi haki khniang.
7. Ym dei ban bret pathar iaki niut ne jakhlia namar kalah ban wanrah jingpang iaphi. Bret iaki haki jaka ba la shna kyrpang ban bret niut.
8. Dei ban sar bad niad pynkhuid iaka iing ka sem man la ka sngi. Da kaba leh kumne kan pyllait shibun naki khniang jingpang kiba lah ban ktah iaka koit ka khiah jongphi.
9. Pynbeit bad da buh ryntih iaki tiar ki tar ban pynitynnad ia ka iing bad iaki kamra hi baroh.
10. Lada don kiba ri iaki mrad ba nep bniat ha iing, dei ban kiar katba lah namar kine ki wanrah ia bun jait ki jingpang kiba ktah iaka koit ka khiah bad ia ka sniehdoh ruh.
    (B). KA JINGLEHKHUID IAKI SAWDONG SAWKUN:
11. Thung iaki jingthung ne syntiew ban pynitynnad ìaki sawdong sawkun jongphi.
12. Pynitynnad iaka kper da kaba thung daki phlang jyrngam.
13. Kiar na kaba pyndonkam iaki plastik namar kine ki pynjaboh iaki sawdong sawkun bad pynduh noh iaka jingitynnad jongka mariang.
14. Dei ban da tih thikna iaki thliew ban bret iaki jingbam bymlong bam shuh ban lait naki jingsma iwtung.
15. Thung iaki diengbah. Ka jingthung iaki diengbah ymtang baki pynitynnad ia ka mariang hynrei ki iada naki jingtuid noh ka khyndew haba slap.
16. Ha man laki surok ne lynti syngkien dei ban buh ia ki tin bret niut ban lait naki jingbret niut pathar.
17. Ialeh katba lah ban thung dieng haki jaka ieng kali namar kane ka iarap ban tan iaki lyer jaboh bad pynmih pat iaki lyer khuid ban ring mynsiem.
18. Ban pynkhuid ia ki um ki wah kalong kaba donkam eh.
19. Kiar na kaba pyndonkam palat iaki kynja khemikals namar kane ka ktah shi katdei eh iaka koit ka khiah jongphi.
20. Hikai iaki khun jongphi bad ia kiwei ruh ki khynnah ban leh khuid bad ban pynioh iaka imlang ka sahlang kaba khuid ba suba.