Ka jingleh ka Congress ka jingibein ia ka kyrdan u Lat, ong u Conrad

Shillong: U Myntri rangbah ka jylla u Conrad K Sangma, u la ong ba ka jingkyntait ki MLA ka Congress ban shong hapoh iing dorbar ha ka por ba ai jingkren u Lat ka jylla, ka dei ka jingibein ia ka kyrdan jong u Lat.
Haba kren myn hynnin ka sngi hadien ba la wai ka jingkren u Lat, u Conrad u la ong, “Nga sngew ba kam long kaba dei ia ki MLA ka Congress ban kiar na kaba shong hapoh iing dorbar, ka dei ka jing ibein ia ka shuki u Lat”.
U Conrad u la ong ba kane ka dei ka jingjia ba nyngkong ha ka jylla ba ki MLA kin pyrshah ia u Lat.
“Kum u riew shimet u Lat u thoh na Tweeter account jong u, ym na ka ophis u Lat. Ka jingbym shong ha ka jingkren u Lat ka dei ka sien ba nyngkong ha jylla ban leh ia kane”, u la ong.