Ka jingkynmaw, ia ka sngi kha U Bob Marley ha Jowai

Jowai, 8 Rymphang:
Ka Jowai Musical Promotional Society (JMPS) ha ka 6 tarik rymphang ka la pynlong ia ka tem ka put, kum shi bynta kum ka jingkyn-maw ieit ia ka sngikha jong u nongrwai Reggae ba pawnam ka pyrthei u Robert Nesta Bob Marley ia uba la tip lang da baroh kum u “Bob” Marley.
U Bob Marley udei u nongrwai uba rwai ia ki jingrwai kiba pynphriang ïaki khubor halor ka shongsuk shongsaiñ, ka jingieit bad jingïatylli ha satlak ka pyrthei.
Ia u Bob Marley la kha ha ka 6 tarik rymphang 1945 bad ula khlad na kane ka pyrthei haka 11 tarik Jymmang 1981 ha ka rta kaba 36 snem, u dei u nongrwai, u nongthoh jingrwai bad u nongtem ka ri Jamaican.
Ki jingrwai ba ai mynsiem bad pynshoh ia ka pythei ki kynthup ia ka “Natural Mystic” “Exodus”, “ “Waiting in Vain”, “Jamming”, “One Love”, “Is This Love” and “Satisfy My Soul”.
Ka JMPS ka pynlong ia kane ka rwai ka siaw, da ka jingangnud ban wanrah jingsuk kum ka jingangnud u Bob Marley sha ka pyrthei bad ruh ban khring ia ki nong jngoh kai pyrthei da ki jingrwai jong u bad ruh ban wan leh burom ia kane ka sngi ha Ri lum Jaintia.
Ia katei ka rwai ka siaw, la pynlong ha Syntu Ksiar, Panaliar Jowai ha kaba daki hajar ngut ki paidbah ki wan ban sngew iaki jingrwai jong u Bob Marley ba la rwai da ki kynhun nongrwai nongtem ba pawnam ka jylla kiba kynthup ia ka Dewdrops, Colours,Lynx, Modern Extricate,Nexus bad ka Bliss,