Babteng…
- Ka jingkilan met ka aibor iaka met – Ka jingkilan met ba man kapor kan pynkhlain iaki bynta ba shapoh ka met,kan pynkhlain iaki dohksah bad kan pynioh iaka met kaba koit bakhiah. Ban ioh ia ki dohksah kiba khlain donkam iaka lyer khuid bad ki jing bam batei met khnang ba kin roi sha baroh ki bynta jongka met jongphi bad kan iarap iaki dkhotmet ba shapoh jongphi ban trei kam bha. Lada ki bynta ba shapoh jongka met kin khlain bha, phin nang kham ioh bor ban trei kam manla ka sngi. Namarkata ban kilan met mynstep kan kham bha shibun.
- Ka jingkilan met ka pynioh thiah bha – Hato phi ju thiah peitngor ne bym ioh thiah bha? Ka jingkilan met shikynta shuwa ban thiah kadei ka dawai bah naka bynta kito kibym ju ioh thiah bha. Kan pynshoh samthiah lyngngai bha iaphi bad haba phi ioh thiah bha ka met jongphi kan ioh iaka jingjahthait ba pura bad phin lah ban trei kam biang kham bha haka step kaba bud.
- Ka jing kilan met bad ka imlang sahlang – Kynmaw baka jingkilan met ym tang baka ai iaka jing koit jingkhiah hynrei ka ai jing kmen ruh shi katdei eh. Ka ailad ban leh kmen shabar lane shim bynta lang ha kino kino ki bynta kiba ai jing kmen iaphi. La kadei ha ka imlang sah lang, ha shnong ha thaw bad ki paralok ne bad kiba haiing hasem jongphi ruh. Shim bynta lang kum haki jing ialehkai ne ki prokram bapher bapher.
Iakine baroh phi lah ban leh tang lada phi don iaka met ka phad kaba koit bakhiah bad kynmaw ba ka met kaba koit bakhiah ka wan tang lada phi lah ban kilan met. [lah kut]
Phi don ban ong eiei?