Ka jingkiew dor kaba jur tam ha India, ba remdor than ka petrol bad ki marbam

New Delhi: Ka jingkiew dor ki dor ki mur, ka dei kaba remdor tam ha India, ha U Iaiong, kaba kiew sha ka 7.79 per cent bad ka daw jong ka jingkiew dor, ka dei na ka jingrem dor than ka bai petrol, diesel bad kumjuh sa ka dor ki marbam mardih, ong ka khubor sorkar, mynta ka sngi.

Ha U Iaiong, ka jingkiew dor lane ka consumer price index (CPI), ka dei kaba kiewdor tam, ha kine ki phra snem ba ladep. Ka jingkiew dor kaba palat eh, ka dei ha U Jymmang jong u snem 2014, kaba long 8.33 percent.

Ka jingkiew dor ki marbam, ka kiew sha ka 8.38 percent ha U Iaiong, na ka 7.68 percent kaba long ha U Lber ba ladep. Ka dor jong ki marbam, ka kiew jur bha ha U Iaiong bad ka daw, ka long namar ka jingkiew dor ki marbam, kum u jhur bad ka umphniang bam.

Ka jingkiew dor jong u jhur, ka long 15.41 per cent ha U Iaiong, na kaba long 11.64 percent ha U Lber 2022.