Ka jingkieng kaba shongdor T.3klur, ba la tei ha ka jaka ka bym don um ne don surok ha Bihar

Haba iohi ia kane ka jingkieng, ka wan ka jingkynmaw, ia ka jingkren jong uwei U MLA barim jong ka jylla, ha kaba u ong “When there is a bridge, there is no river, but when there is a river, there is no bridge (haba don jingkieng, ym ju don wah, katba haba don wah, ym ju don jingkieng).

Ka jingtei ia ka jingkieng ha Bihar ka la pynmih ia ki jingshah kynthah ha ka synshar khadar. Ka jingkieng, kaba la shna ha ka dor kaba 3 klur, ka ieng hapdeng ka madan kaba plie khlem kano kano ka surok na baroh arliang.

Kane ka jingtei ka long shi bynta na ka surok kaba jrong 3 kilometre bad ka jingkieng ka dei kaba 35 phut, kaba don ha ka shnong Parandpur, ha kaba la tei na ka skhim jong u Myntri Rangbah ka jylla u Gramin Sadak bad ka shimpor ban leit hynniew kynta, sha katei ka shnong na ka nongbah Patna.

Ka jingtrei ia katei ka surok, la iathuh, ba la mih jingeh, namar ba ki trai shnong, kim shym la ai jaka satia, hynrei u kontraktor, uba smat ba sting, ula iaid shakhmat ban pyni, ia la ka jong ka kam, da kaba trei dep ia katei ka jingkieng kaba don ha kawei ka madan.

Ka bynta jong ka jaka ha kaba ka jingkieng ka ieng la ioh da ka jingpyniaid hynrei ka jingshim ia kiwei pat ki jaka ka long kaba khlem pat biang.
Hynrei ka bor synshar ka la iaid shakhmat bad ka la tei ia ka jingkieng khlem kano kano ka lynti kaba khlem leit sha baroh arliang.
“Ngi la sngewkmen shibun ba la shna ia kane ka jingkieng. Ka shnong jong ngi kam don surok kumta ngi la pyrkhat ba kin shna surok ruh, ryngkat bad ka jingkieng. Hynrei ym don ei ei kaba kum kata,” la ong uwei u nongshong shnong.
“Ha kaba sdang, u trai jaka u la mynjur ban aiti ia ka jaka, hynrei hadien um iahap bad u dang pan pisa,” la ong uwei pat u nongshong shnong.

Haba phai sha ka roi ka par, u Araria District Magistrate u Inday Khan u la ong, “Kane ka kam ka la wan sha ka jingpynbna jong nga. La wad ia ka kaiphod na u engineer ha kane ka bynta. Ha ryngkat bad kane, ha ryngkat ka Sub-Division Officer bad u engineer, la bthah ban leit jngoh ia ka jaka bad ia ka jaka.”
“Ha ka jingbym lah ban ioh ia ka khyndew, kumno la thaw ia kane ka plan, baroh ki mat ki dang wad bniah. Yn shim ia ki kam kiba donkam,” la ong u Khan.