Ka jingkhum ia u soitan

AIS SUJA

Ka jingkhum ia u soitan kadei ka dak ha bneng bad ha khyndew ba u Jisu khrist u dei shisha u syiem ki syiem u Trai ki trai, Binding of Satan is a sign to all heaven and to earth that Jesus Christ actually is King of kings and Lord of lords.
Ngi don mynta ha ka por ka jingsynshar briew da u briew ia u briew naduh ba u Blei u la ai Iaka iktiar jingsynshar ha kti u briew. Genesis 1:28. Ka Jingsynshar briew mynta kadon hapdeng ki jingkulmar ba bunjait, ki ain ha man la ki Ri ka pyrthei ki la nangtlot bad ki mih ki jingpynkhein ain (breaking the laws). Ynnai da jer lut ia ki Ri hynrei ngi tip ngi iohi ha kane ka pyrthei stad ba ki Ri ki hima ha ka pyrthei hi baroh kawei ki la nang hiar arsut bad ki ain ki la tlot shaba palat. Hooid ki nongsynshar ki sngew ba ki wad ia ki lad ki lynti kiba bha hynrei ka lynti kam poi shata, hynrei nangsniew nangsniew pynban. Kane ka jia khnang ban pyndep ia ki jingthoh bakhuid ka ktien U Blei ba ki jingsynshar kin nangiai kylla na kaba sniew sha kaba sniew tam.

Ynda haba ki bor synshar bad ki ain kin tlot lut, kan sa mih noh tang kawei ka jingsynshar (one world government) bad ia kata ka government yn khlieh ia ka tang da uwei ia uba ka ktien u Blei ka ong u MRAD KHLAW (the beast) u Briew ka pop u khun ka jingjot. 2 Thessoloni 2:14. Une un ioh ban synshar ia kane ka pyrthei baroh kawei na ka Temple kaba lai na Jerusalem, ha ki Lai snem shiteng bad 30 sngi. Daniel 9:27/ Daniel 12:11. Bad ka por kaba un synshar une u Mrad khlaw lane u ksuid, kan long ka por ba jynjar tam ka bym pat juh long na myndang long kane ka pyrthei. Mathaios 24:21.

Hadien ki 3 snem shiteng bad 30 sngi ynkem bad set byndi noh ia une u nongsynshar uba long u ksuid bad u soitan. Jingpynpaw 20:1-3.
Ka por ban kem ia u Soitan ka long kadak ba u Jisu Khrist un synshar noh 1000 snem ia kane ka pyrthei. Kata ka por u Jisu Khrist un long u syiem ki syiem u Trai ki Trai (King of kings, Lord of lords).

Hapoh ki 1000 snem ymdon soitan ym don ksuid shuh balah ban shukor ia ki briew hangne ha pyrthei. Ka pyrthei kan dap da ka hok suda, “ka pyrthei ka dap da ka jingtip ia u Trai, Isaiah 11:9. “Te ha kita ki sngi jong kita ki syiem, u Blei ka bneng un pynieng ia ka hima, ia kaba yn ym pynduh noh lano lano ruh, lymmne kan ym ieh noh ia ka jingsynshar jong ka ha kawei pat ka jaidbynriew; hynrei kan pynlwet bad kan bam duh ia kine ki hima baroh BAD KAN IAI SAH BYMJUKUT. Daniel 2:44. “Bad la ai ha u (Jisu) ka jingsynshar, bad ka burom, bad ka hima, ba ki kynja bynriew baroh, ki jaid bynriew, bad ki ktien ki shakri ia u: ka jingsynshar jong u kan long ka jingsynshar bymjukut, ka ban ymduh noh, KA HIMA JONG U KA BAN YM JOT NOH. Daniel 7:14.

Kumta, ka por ban khum ia u soitan 1000 snem kan long ka por kaba u syiem ki syiem un synshar 1000 snem ha pyrthei bad shaduh ki bymjukut ka jingsynshar ka ban ymjot noh. Daniel 7:14. Amen.