Shillong, Jymmang 28: Ki dkhot ka Hynniewtrep Youth Council (HYC) mynta ka sngi thohdieng jong ka 31 tarik u jymmang 2024,kila leit ban synran sa ia u secretary ka seng u bah Isac W. Basawiamoit ha ryngkat bad ka jingwan synranlang ka kmie sha Sardar Police Station halor ka jingshah khot hajir ha ki pulit jong katei ka police station.
Kane ka jingwan u secretary ka HYC sha Sardar PS kadei hadien ka jingshah khot hajir halor ka jingleit kyndang bad leit pynpra naphang ka seng iaki iing jong ki poiwir ba sah beaiñ ha Lum Survey myn haka 23 tarik tarik Jymmang 2024 bad kumjuh ruh halor ka ji lng khynra ka seng ia ki ningdih drok ha kylleng ka nongbah Shillong.
La sakhi ruh ba mynta ka sngi ki bor pulit ki la syrtap ha phyllaw ka Sardar Police Station bad ban khang tala shisyndon ia katei ka gate, ha kana ki la shah ban rung tang ia u secretary marwei.
Haduh mynta ki nongialam ba hakhmat ka seng HYC baroh 3 ngut ki la wan ban jubab ha sadar,ba kynthup ia u president bah Roykupar Synrem ba la wan jubab ha ka 28 tarik, u vice president bah Donboklang Kharlyngdoh myn ha ka 30 tarik bad u secretary bah Isac W. Basawiamoit u ba la wan jubab mynta ka sngi ka 31 tarik.
Haka jingiakren bad ki lad pathai khu bor u bah Isac u la ong, ba ka jingkhot ki pulit ia ki nongialam ka seng kadei tang ban pyntieng khnang ba ka seng kan nym lah shuh ban khynra ia u drok hynrei katba ki dang khot ka mynsiem jong ngi ka dangshlur.
Phi don ban ong eiei?