Ka jingkhot ka sorkar Ia ki nongrwai bapaw ka pyrthei dei tang ka jongbynbiej ia ki paidbah, ong u bah Ardent

Shillong: Ka seng Voice of The People Party (VPP) ha ka 12 Tarik Nohprah 2024,ka la pynlong ia ka jingpynithuh paidbah ia ki kyrtong jong ka party ki ban iakhun ha ka ilekshon MDC sha ka KHADC bad ka JHADC.

Ia Kane ka jingpynithuh paidbah iaki kyrtong ka party VPP ka la pynlong ha madan Smit.

Ka ilekshon iakhun MDC sha KHADC bad sha JHADC kalah ban long ha u bnai Rymphang snem ban wan.kata snem 2025 ban wan.

Ha Kane ka sngi la iadonlangki nongialam naduh u president jah Ardent bad kiwei kiwei de ki para nongialam ba hakhmat jong ka party bad ruh ka jingwan ban sakhilang naduh ki nongkyrdhan.

Ki paidbah kin jied haduh 29 ngut ki MDC bad kumjuh ruh sha ka JHADC ban long kita ki nongthaw ain halor ka Riti la Dustur,ka khyndew ka shyiap,bad ka jinglong ba kyrpang jong ka jaitbynriew.

Ka jingpynithuh paidbah ka party VPP ia ki kyrtong kadei tang nakabynta jong ka East Khasi Hills District.

Haba kren ha Kane ka sngi nakaliang u president rangbah ka seng ubah Ardent Ula ong,ba ka jingpynlong ka sorkar ban khot ia ki nongrwai ba paw ka pyrthei kalong tang ban pynbiej ia ki paidbah tang namar ba ki paidbah ki la shongshit prah palat.

U la ong,ba kito ki ba leit sha ka tamasa jong u Bryan Adam ki leit ban sah jingkynmaw ban sakhi ia ka jingwan u Bryan Adam,hynrei ym namar ba ki leit ban kyrshan ia ka party NPP.

Ka jingpynlong ka sorkar Jylla ia ka tamasa kalong tang ka dawai ban pynjah jingpang ba shipor ia ki paidbah na ka jingduk jingjyllei jong ka bamsap ka jingbym shongsuk shongshngaiñ ka ha la Ri,la ong ubah Ardent.