KA JINGKHOT IA U ISAIAH

AIS Suja

U Isaiah u la im ha ka spah snem kaba phra (8 century B.C) ha shwa u khrist. Ka la don ka jingkhot ia u da u Blei ha kata ka por ha kajuh ka por ba u syiem Ussaiah u la iap noh.

Ha kajuh ka snem ba la khot ia u Isaiah da u Blei ban long u Nongiathuhlypa ha Israel. Ha kata ka por u Isaiah u la ong – 9 nga la iohi ia u trai (Jisu) ba u la shong ha ka khet bajrong bad ba la kyntiew bad ka jain shympiar jong u ka la pyndap ia ka temple. U ong, ba ki seraph ki ieng ha jan jong u, uwei uwei u seraph u don hynriew tylli ki thapniang, da ki ar tylli ki thapniang u tap ia ka khmat, da ki ar tylli u tap da ki kjat, da ki ar tyllipat u her. U wei na ki ta u seraph u la pyrta u ong – U Bakhuid, u Bakhuid, u Bakhuid, Holy, Holy, Holy u Trai ki paid. Isaiah 6:1-3. Ha kata ka por, ka khyndew ka dap da ka burom jong u, ki nongrim jong ki khyrdop ki la win na ka jingsawa uta uba pyrta bad ka ing ka la dap da ka tdem. Aiu la jia ia u Isaiah ha kum kata ka por? Haba u Isaiah u la iohi ia kine kiei kiei, u la ong – kordit ia nga! Namar nga la iap, namar nga u briew u ba tngit ki rmiang shyntur bad nga shong ha pdeng u paidlang ba tngit ki rmiang shyntur, naba ki khmat jong nga ki LA IOHI IA U SYIEM, u Trai ki paid. Isaiah 6:5.

U Isaiah kum u briew, ha ka jinglong briew u sngew ialade ba umlong eiei ha khmat u ta u syiem, ialade u ba tngit ki rmiang shyntur, uba kren ia ki jingbakla, u don ki jignduna kum u Briew, kane ka la ktah eh ia u ban iohi ruh ia ki seraph ne angel kiba iap pyrta jam u BAKHUID U BA KHUID U BAKHUID ha ka khet u Blei hapdeng kane ka jingtlot kum u briew, ha kum kata uwei na ki seraph u la her hajan U Isaiah uba don u rnga ba rhem ha ka kti jong u, bad u Isaiah u la ong – u la ktah ia ka shyntur jong nga u la ong ruh ha u Isaiah ha khmih kane ka la ktah ia ka rmiang shyntur jongme. Te ia ka jingbym hok jongme la weng noh. Iaka pop jongme la pynkhuid noh.

Hakata ka por, u Isaiah u ioh sngew pat ia ka sur na u Trai Jisu, ba u ong – Ngan phah ia no? uei u ban leit na ka bynta jong ngi? U Isaiah kyndit kynsan u jubab – “Nga hangne, to phah ia nga Ah Trai”. U Trai u la ong ha u Isaiah – “To khie bad ong ha u ne u paidlang (paidlang Israel). Isaiah 6:8-13. Dei hangne ba U Blei u la pyndonkam ia u Isaiah ban iathuhlypa ha Israel halor ki jingbymman jong ki tad haduh ba ki shnong Israel ki la long kynjah, bad ki ing khlem shong Briew, ka Ri Israel kala kynjah ruh phar. Isaiah 6:11. Kaei kaba ngi iohi hangne ia ka jingshem jong u Isaiah ka long, ba ha kata ka por une u Jisu uba long u Syiem ki Syiem u Trai ki Trai uba don hapdeng ha ka khet syiem u lawan ban paw ha u Isaiah ban khot ia u Isaiah sha ka kam kum u Nongiathuhlypa ha Israel.

Hakato ka spah snem kaba phra (8th century B.C) ia u Jisu ympat kha sha kane ka pyrthei. Hynrei u Isaiah u la iohi lypa ia u bad ia ka burom jong u Jisu ia uba ki angel ki seraph ki pyrta U Bakhuid! U Bakhuid! U Bakhuid. Kaba mut u Isaiahu la iohi lypa ia u Jisu haba ympat kha ia u Jisu sha ka pyrthei. Dei ruh hangne ngi kynmaw baka ktien u Blei ka ong – ba u Jisu udei hi u Blei namar udei u khun u Blei, une u ladon naduh kaba mynnyngkong ha bneng bad u Blei. In the beginning was the word and the word was with God AND THE WORD WAS GOD. Ioanis 1:1. U Jisu udei u ktien, bad uta u ktien, udei u Blei.

Dei hangne ba u Blei u la pyndonkam ia u Isaiah ban iathuhlypa shaphang uta u ktien u ba wan na bneng namar da lade u la iohi ia u iaka burom kaba khraw jong u ia u ba ki seraph ki pyrta jam u Bakhuid U Bakhuid U Bakhuid. U Isaiah ymslem hadien kane u la pynbna ia ka khubor babha (goodnews) shaphang uta u Jisu (Immanuel) u da ong – Namar kata u Trai hi un ai ka DAK iaphi, hakhmih ka theisotti kan pun khun kan kha ruh ia u khun, ynkhot ia ka kyrteng jong u. u Immanuel . Isaiah 7:14. Hadien bun spah snem, une u Jisu, ia u ba u Isaiah u la iohi bad u la dep pynbna ia ka jingkha ia u ha ka jinglong briew, la kha shisha ia u, u la wan longdoh longsnam kum ki briew hi. “uta u ktien (Jisu) te u la kynja doh bad u la shongsah hapdeng jong ngi (And the word became flesh and dwelt among us)” Isaiah 1:14.

U Isaiah um la iathuh ha ki Israel, shaphang kane, hynrei kim ngeit kim pdiang ha kato ka por bad wat mynta ruh. Dei ia kane b aka ktien u Blei ka ong – U (Jisu) lawan sha la ki jong, kiba dei la ki jong kim pdiang ia u. Ioanis 1:11. Naduh u Prophet Isaiah haduh ha u Jisu haduh mynta ki Israel kim pat pdiang ia u Jisu kum u Messaiah jong ki namar kim ithuh ia. Dei nakane ka daw u Isaiah u ong – “To sngew hynrei wat sngewthuh. To iohi hynrei wat shemphang. To pynkhia ia ki shkor jong ki. To pynkhaprip ia ki khmat jong ki ioh kin iohi da la ki khmat ban ioh sngew da la ki shkor. Isaiah 6:9-11. Ki Israel kim ioh sngew kim iohi. Hynrei ka ktien u Blei pat ka ong – “kat kiba pdiang ia u, ha kito u la ai bor ban long ki khun u Blei. Ioanis 1:12. Ki Jiw ne Israel ki la duh ia ka jingpynim. Ki Jentil ki la ioh jingpynim namar ki ngeit bad pdiang, kumta ki la long ki khun u Blei. Kiba lakha ym naka snam, lymne na kamon kadoh, lymne na kamon u briew – HYNREI NA U BLEI. Ioanis 1:13.

Kumba u Blei u lakhot ia u Isaiah u dangkhot mynta ruh ia ki briew baroh ha kane ka pateng sha ka miej ka jingkylla bamut, da u Mynsiem Bakhuid. Ki kam ki Apostol 17:30-31. Amen.