Ka jingkhang tih dewiong, ka wanrah jingkyrkhu:CEM

Shillong, 30 Nohprah:
U Chief Executive Member (CEM) ka KHADC u Bah Adelbert Nongrum u la khyrwit tyngeh ia ki nongthaw ain bad ka sorkar jylla kiba shu lapmiet tang ban kamai spah khlem pyrkhat ia ka jaitbynriew haduh ba ka pynlong ia ka National Green Tribunal (NGT) ban wan tuklar syndon ha kane ka jylla.
“Ka jingkhang tih dewiong ka NGT ka long pynban kum ka jingkyrkhu na sha lyndet bad ka daw ka long ba ngin kyndit bynriew noh na ka jingshah kynoi thiah kum ka jaitbynriew”, la ong u CEM haba kren hynne ha ka jingialang rakhe dap lyngkhuh snem ba 152 snem jong u Woh Kiang Nangbah ha Shillong.
Baroh ha kine ki snem ki MLA, ka sorkar kim don por ban pyrkhat ban iakren ia ka jaitbynriew ban thaw da ki ain, ban iada ia ka mariang namar ba ki don ki par dewiong bad ki tieng ioh shah ktah ialade, la ong u CEM. U la ong ba kine ki MLA bad ki sorkar ki la lapmiet ban pyrkhat beit tang ban kamai spah ialade bad ki ieh shadien ia ka jaitbynriew.
Mynta ynda la wan tuklar ka NGT ki la kyndit bynriew , la ong u CEM.