Ka jingkam da u myntri, ba don burom ka sorkar pdeng, ka long ka bym don nongrim, ong U Rangbah Shnong, Khliehshnong, Sohra

Shillong: Ka Dorbar Khliehshnong, Sohra ka kwah ban pynshai paidbah ba kat kum ka jingmih kotkhubor mynta ka sngi (26/7/2021) halor ka jingwan jong u Amit Shah ba donburom, ha shnong Sohra, ha ka 25 Naitung, 2021 kaba long kumne, “Yn shimti ki shipai Assam Rifles, ban pynjyrngam ïa ka Sohra baroh kawei, ong u Amit Shah’.

Kane ka jingkam da u Myntri ba donburom jong ka sorkar pdeng ka long ka bym don nongrim, namar, ka khlem don kano kano ka jingiateh ne ïa kren bad ka Assam Rifle naduh nyngkong ka sngi, hynrei dei tang na ka Soil and Water Conservation Department, ka sorkar Meghalaya ha ryngkat ka jingiatrei bad ka bor Shnong, ong u Rangbah Shnong.

Yn don kano kano jingaiduh ïa ka jaka ban thung dieng wat sha Water Conservation Department hynrei dei tang ka project thung dieng ba kyrteng ‘Sohra Afforestation Project’ ha Sderkariah- Khliehshnong, Sohra, ba la mang pisa da Soil and Water Conservation Department, Meghalaya. Kum ba yn shuh pynshai kyndiat ba wat ka jingtrei jong kane ka project baroh la pyntrei hi da da shnong ha jing bei pisa jong ka Soil and Water Conservation Department, Meghalaya.

Ka Dorbar Khliehsnong ka ïeng ha ka nongrim ruh ba kan nym lilam ia ka jaka puta jong ka shnong ne aiti kham tam sha ki bor ba na shabar, ong ka khubor, na U Dr. Shembhalang Kharwanlang, Rangbah Shnong, Khliehshnong, Hima Sohra.