Ka jingjia ka dei ha Meghalaya, kumta dei ban tohkit sha Meghalaya, ong U MLA

Shillong:Ka jingshah kem jong U Bah Michael Warjri, ka la pynmih ia shibun ki jing pyrshah na ki kynhun bapher bad halor kane ka phang, U Bah Sosthenes Sohtun, MLA ka Jirang, ula pynsngew ba haba ka jingjia, ka dei ha Meghalaya, kumta dei ban phah noh sha Meghalaya.
U bah Sohtun, haba iakren bad U Rupang, ula ong shuh shuh ba na ka liang jongu, ula pynsngew sha U James K Sangma, myntri kam poh iing bad kumjuh sha U Conrad K Sangma, myntri rangbah ka Jylla, ha kaba ki la shim khia bad iakren bad ki bor sorkar Assam, na ka bynta ban kynriah noh ia katei ka jingjia sha Meghalaya.
U bah Sohtun, u pynpaw ruh ia ka jingsngew pyrshah jur, halor jing pynjulor ia ka iing jong U bah Warjri, da kaba u ong ba ki paidbah, kim lah ban shim ia ka ain ha la ka jong ka kti bad u pynshisha ruh, ba kitei ki jaka, ki hap hapoh u pud u sam jong ka Meghalaya, namar ba ki paidbah ruh ki pdiang ialade, ba ki dei ki nong Meghalaya.
Une u nongthoh khubor, ula iakren bad U James K Sangma, myntri kam poh iing, ha kaba ula pynsngew, ba haba ka jingjia, ka dei ha Meghalaya, kumta dei ban tohkit da ki pulit jong ka Meghalaya bad u iathuh ruh, ba ula iakren bad ki bor sorkar na Assam, ba kin kynriah noh ia katei ka jing ujor sha Meghalaya.