Ka jingjia ba shutia tam, siat suloi 22sien, ban burom ia U MR, ba la iap, shi kuli ruh kam bthei

Patna: Ka dei ka jingjia, kaba da sngew shutia tasam bad katei ka long ha ka jingleit on thang ia U Jagannath Mishra, myntri rangbah barim ka Bihar. Ka la don ka jingleh burom ia utei u nongialam, hynnin ka sngi, ha kaba la dei ban siat suloi 22 sien sha suin, kum ka dak jong ka jing burom ia utei u nongialam.

Hynrei, haba ki 22ngut ki pulit jong ka Bihar, ki la siat ia ki suloi jongki, kam don wat tang kawei ruh kaba bthei.

Katei ka dei ka jingjia ha Balua Bazar, kaba dei ka shnong jong U Mishra, kaba ha Supaul district.

Mar kumta, la iohi ba uwei na ki heh pulit, u leit mar mar ban leit peit dalade hi ia kitei ki suloi, ba kumno tang kawei ruh kam treh siat sha suin, hynrei utei ruh, um shym la lah satia pynriew ia ki ktang suloi.

Katei ka jingjia, ka la pynlehrain jur ia U Nitish Kumar, myntri rangbah ka Jylla, uba don lang ha katei ka jaka, kaba pyni ia ka jing bym lerkam kaba la jubor than jong ki pulit ka Bihar.