“Ka jingim kaba sngewhun shibun, naduh ba nga weng ia ka sati synjat na kti jongnga”

Ki nongkhwai dohkha, ki sngew kyndit, haba ki ioh ia kawei ka dohkha, kaba don bad ka sati synjat ha u tdong jongka.
La ioh khwai ia katei ka dohkha, da U Joe Penar ha ka pung Michigan, ha ka 21tarik Jylliew, ong ka kotkhubor Chicago Sun Times.
Ha katei ka sati, la thoh SDH Steel bad ha ka jing buddien, la lap ba katei ka sati, ka dei ka sati synjat jong U Capt. Jason Rose bad u iathuh ba katei ka dei sati iathoh jongu, ha kaba ula pyndait ha tdong jong ka dohkha, ha ka 4tarik Jymmang mynta u snem bad katei ka dei hadien ba ka jing ia poi kha jongu, kaba la shiphew snem kynthih, kam shym la iaid kam bad kumta ula ia pyllait sanshyieng noh.
“Nga dei uba smat bha ban leit kwah” ong U Rose bad u ong “Ka pat ka ju khanglad bha ia nga bad kam ju sngew tynnad haba nga leit khwai dohkha”. U Rose, u iathuh ba ula pyllait sanshieng bad ka kurim jongu, la saw snem mynshwa bad ula pyndait ia katei ka sati ha ka dohkha, kum ka dak ban sah kynmaw. “Ka jingim jongnga, ka long kaba sngew hun shibun eh, naduh ba nga weng ia ka sati synjat na kti jongnga”, ha kaba u shim ba katei ka sati synjat, imat ka dei ka jingtim pynban ha ka jingim jongu.