Shillong: Ka Synjuk ki Seng Rangbah Katholik Jowai Diocese, ka la pynlong ia ka jingiaseng ialap kaba khadsaw(XIV) haka 7-8 tarik u Nailur 2019 ha Parish Lad- Rymbai.
Shwa ban sdang ia kane ka jingiaseng ialap, la sdang da ka jingpdiang burom na u president jong ka synjuk u ma Michael Nongtdu bad la pynher ia ka lama da u kongsan, U ma Yoo Shylla.
Ha ka por 1 noh phai sngi la don ka jingialap kaba kyrpang da ki dkhot jong ka Synjuk da kaba leit jngoh ia ki thliew iing jong ki para ba ngeit kiba tlot ka jingngeit khnang ban ai mynsiem lem ia ki ban long ki khristan ki ba janai.
Hadien ka jingleit jngoh iing ka la don ka jingmane sakrament bad puson ia ka ktien u jong Blei kaba la pharia da U sohblei Augustine Lamin spiritual Director jong ka Synjuk.
Ha ka sngi u Trai pat la sdang da ka jingduwai step ha ryngkat bad ka Session kaba la pyniaid da U Spiritual Director jong ka Synjuk U phadar Augustine Lamin ha kaba ki delegate ki la ia shim bynta shit them bha.
Ha ka por 10.00 baje mynstep la pynlong ia ka Mass bakhuid ha kaba u Most Rev. Victor Lyngdoh Bishop jong ka Jowai diocese u long u kongsan. Ha dien ka Mass bakhuid la don ka jing sam buskit ia ki lai ngut ki khun samla Jong ka Jowai diocese kiba la pass bha ka MBOSE SSLC examination 2019 u samla Dimarkithmu Gayang parish Amlarem, Ka samla Lavinia Mebalari Myrchiang parish Amlarem bad u samla Jobilson Nongrum parish Ummulong.
Ha ka por nohphai sngi ka la don ka jingmane sakrament ba la pyniaid da U Bishop bad ia ka ktien jong u Blei la pharia da U phadar Polycarpus Shylla. Hadien kata la pynhiar ia ka lama da u Bishop Victor Lyngdoh ha ka juh ka por la pynbna ia ka Jingiaseng Ialap kaba khadsan (XV) 2020 kan long ha ka parish Nongbah, west Jaintia hills.
Phi don ban ong eiei?