KA JINGIAPHER HAPDENG KA DEMOCRACY, PARTYCRAZY BAD KA PARTYLESS DEMOCRACY

Bah Banshai Marbaniang,
Meghalaya Awaken Concern Citizens.

Ka DEMOCRACY kalong Ka bor Synshar jong u Paidbah ban synshar dalade kumba ngiju khot kyllum “Ka bor Synshar Synshar Paidbah” hapdeng manla iwei pa iwei katkum ka phang pdeng jongka Sorkar halor Ka bor Synshar kaba bat da mangi ki Paidbah, lada dei ba kalong beit shakhmat lane kumno ba ngin jied ia kita ki Nongmihkhmat. Ka kyntien “DEMOCRACY” ka wan lyngba ki Greek words “demos” (Paidbah) bad “kratos” (Ka bor Synshar).

Halor ka DEMOCRACY Kum ki Paidbah ngi don ka hok ban kren bad pynpaw da jinglaitluid, bad ban lum jingialang, bad ban mihpaw da jingpyni dur kumno ban sngewthuh bad ban pyni bor kum ki nongshong shnong kiba don ka jingiatylli ryngkatlang da jingiashimbynta halor kawei ka lynti kum ki Paidbah. Ngi don ruh ka jinglaitluid bad ka bynta bakhuid ban jied Nongmihkhmat. Ka Aiñ ka pyntreikam da jingiaryngkat kawei lang ia baroh kum ki Nongshong Shnong bad Ka bor Synshar ka sam bynta sha baroh kiliang jong ka Sorkar bad ka sorkar kadei ban long kaba shai ban pyntreikam da jingkhuid halor kumno ban jubab sha baroh tang kawei ka lynti. Ka jingiada halor ka hok jongngi kum ki paidbynriew ritpaid hapoh ka Ri India kalong lyngba ki kynhun kiban mih shakhmat ban ieng iada kum kawei lang ia baroh. Kum ki kynhun Paidbah ba ngi mihpaw ngi lah ban shim ka rai pyrshah halor kano kano ruh ka phang kumba ngi shimrai ha kaba ngi jied ia ki Nongmihkhmat katkum ka Riti Synshar Paidbah (Indian Constitution) jongka Ri India kumba ka la aiti katkum Ka bor Synshar bad ki bynta halor ki lynti ban ieng.

Ka DEMOCRACY ka pdiang tang ia ka jingiashim bynta jongki Paidbah Nongshong Shnong bad ban iada halor ka hok shimet ia barohlang kumjuh da kaba jubab shai katkum ka phang bad jingshisha halor ka bynta kaba donkam bad kumno ban dang kyntiew kham shalor na bynta ki lad kamai kajih hapoh lakajong ka Jylla pateng la pateng. Hynrei lada ngi peitbniah lyngba kabor jongngi Paidbah bunsien ngi ju mad ia ki jingeh halor jingbymiatylli bad ban kdew kti hapdeng para mangi iwei ia iwei pat. Ngi wanrah ruh ia ka jingkynthoh bad ban pyniapher khlem da iajan shuh hapdeng para mangi da kaba ngi pynshongdor halor Ka bor Synshar shimet ba ngi don. Kane ruh kawan halor ka kyntien Bamsap da kaba pyndonkam bakla ia Ka bor Synshar jongngi ki Paidbah khlem da lah ban pyntreikam da kaba shimrai tangban shu pynlong kamkai da kaba khot shabar bad ban pynibor khlem da don ka nongrim kaba shisha lyngba ki Political Party. Ha baroh ki liang “Ka bor Synshar synshar jongngi Paidbah DEMOCRACY” kalong ka bynta kaba kongsan kumba ngi angnud ban pyniaryngkat katkum Ka bor Synshar kumno ban iada ha la kajong ka hok bad ka jingshisha bad ban kyntiew shuh shuh kham shalor halor ka jingbit jingbiang jong baroh lang kum ki Paidbah Nongshong Shnong kiba don hapoh ka Jylla ne kumjuh halor ka pyrthei kumba ngi im.

Ki Political Party kiba pyrshang ban shimrai da lade na bynta ka jingmyntoi shimet ka jongki kata kamut kadei kaba ki pyrshang ban pynkheiñ noh khlem da niewdor shuh ia Ka bor Synshar synshar jongngi ki Paidbah (DEMOCRACY) halor ka lynti kaba ngi dei ban jied katkum Ka bor Synshar ba la pynkhamti ne khlem da sngap shuh ruh halor kumno ba ngi dei ban kren. Haba ngi iohi ia ki Political Party kiba pyni iaKa bor Synshar ba kidon da kaba shu byrngem ne kynthoh markylliang kalong ka jingshim kabu tang ban myntoi shimet da kaba iuhroit ia ka hok jongngi ki Paidbah kiba jied bad ruh da kaba pynkheiñ noh ia kiba bun ki bynta jongki Paidbah kumba ngi don. Kane baroh kan ialam sha ka lynti ban pynisih noh ia ka mon laitluid jongngi ki Paidbah bad ban rai hi noh dalade kum ka Political Party tang namar ka jingmyntoi shimet ban ia ki Paidbah kumba ngi long ki nongshong shnong ba pura. Kane baroh kadei kaba ki leh kumno ban iaid lait ia ka hok shimet jongngi ki Paidbah kumjuh ruh da kaba pynkheiñ ia ka jinglaitluid bad ban pyntlot bor khlem da donkam ban peit ia ka jingdonkam tang namar ka jingdonkam shimet jongka Party.
Kane baroh kala wanrah da kaba pyrshang ban pynduh jingshaniah hapdeng jongngi ki Paidbah bad ka Sorkar ruh kumjuh da kaba pharia ban pyniakhlad bad ka imlang sahlang. Kane kalong thik tang kumba ngi dang dei ban thaw thymmai ia Ka bor Synshar Synshar jongngi ki Paidbah tang namar ban shu pyni ia ka jingtlot naduh kaba sdang khlem ki Nongialam.
Ki Political Party kiba mynta shuh shuh ban kham pynkhlaiñ bor ki pyrshang ban iuhroit noh ia ka “DEMOCRACY” da kaba ki wanrah da kwei pat ka jingpyrkhat kaba thymmai kaba la tip kum ka “Partycrazy” tang kumno ban pynbieit Paidbah na bynta ka jingmyntoi shimet da kaba ki pynklet ba dei ban bret noh ia ka kaba long ka bor Synshar synshar jongngi ki Paidbah. Ki pynkletnoh ruh ia ka hok bad jingshisha jongngi kum kita ki Jaidbynriew Ritpaid hapdeng baroh ka imlang sahlang jongki jaidbynriew bapher hapdeng ka Jylla bad ban pyndonkam bakla ia Ka bor Synshar jongngi Paidbah tang ban myntoi shimet ka Party man la ka sngi. Kane baroh kadei kaba ki la iaid lait noh katkum ki bynta jong Ka bor Synshar Paidbah bad ban wanrah ia kata ka jingpynibor donbor shimet kum u Boss (Nonglilam) ym shuh kum u Nongialam (Leader) bad ha ka ktien nongwei ki ong Dictatorship Rules And Regulations.
Jingshisha kum ki Political Party kimdei ban pyni donbor da kaba lum Paidbah da kaba pynibor markylliang bad kane baroh kalong kumba pyni bor kylla iangi ki Paidbah ne wat ban pynbor ruh kumjuh haduh ban pyntieng pynsmiej katba mon da kaba pynklet ia Ka bor Synshar jong u Paidbah. Halor ka jingshisha ki Political Party kidei ban shimkhia bad ban ailad halor ka Hok bad ka Jingshisha jong u Paidbah ban pyndonkam katkum ki bynta jong Ka bor Synshar ba la pynkhamti halor ka Ri Synshar Paidbah kaba long ka Ri kaba Laitluid halor ka bynta kumno ban wanrah kum ka jingkoit jingkhiah bad ban pyntreikam shisha lyngba ka DEMOCRACY. Ki Political Party kiba shimrai dalade halide na bynta ka jingmyntoi shimet ka jongki kata kalong shisyndon kumba ki wanrah ia Ka Jingpharia Bad Synshar Donbor “Divide and Rule Policy” khlem da burom shuh halor kumno ban niewkor ia ka Sur Jong U Paidbah.

Lada ki Political Party ki pyni bor tang namar ka jingmyntoi shimet khlem da niewdor ia ka sur jong u Paidbah ka lah ban ialam shaduh ka lynti ban pynisih noh halor ka lynti kaba iaid kum ki Nongshong Shnong kiba don jingkitkhlieh (concerns citizens) bad ban beiñ ban khoh katba mon haduh ki Social Media ne ki lynti synkien bad kiwei kiwei ruh kumjuh.

Kane ka long kumba wanrah ia ka

1. Artificial Politic lane ban pharia shipor halor ka jaidbynriew bad iai theh umphniang tad ynda ka la duna.
2. Ban phong ia jingshaniah tang shipor kum ka political institution.
3. Ban pyndom briew bad iashun khlem jingsalia haduh ban wanrah ia ka huri hura.
4. Ban pynkulmar Paidbah da jinglum paid ban iakhun sorkar halor ka imlang sahlang.
5. Ban pyrshang ban pyndam ia ka DEMOCRACY da kaba wanrah jinghikai.
6. Ban pyni ba donbor tang marwei kum u Nongsynshar katkum ka lynti ba ialam.
7. Ban pynklet noh ia ki kynhun Paidbah halor ka imlang sahlang.
8. Ban pyni donbor tang shipor halor ka lynti kaba jrong jong u Paidbah Nongshong Shnong.
9. Ban pynjot pynpra noh ia ka dor jong u Paidbah kaba long kum ka jaiñphong kaba kup kyrpang.
10. Ban khlem da burom shuh ia ka Sur jong u Paidbah.

Ki Political Party ki ba mareh jyndat ban leh donbor haduh wat ban pyniashun Paidbah da jingpharia jaidbynriew bad ban iuhroit ia Ka bor Synshar jong u Paidbah (DEMOCRACY) khlem da pyrkhat shuh junom aiu kan jia. Kalong shisha kaba sngewtieng halor ki Political Party ban pynsngew bad kumno ban wanrah ia ka jingshimkhia jong u Paidbah naka bynta ban tei pat ia ka jingshaniah hapdeng para mangi bad kumno ban ieng tyllilang kum ka bynta kaba shongdor hapdeng ka imlang sahlang kaba iaryngkat kum Ka bor Synshar jong u Paidbah.

Ki Political Party kiba ieng pyrshah ia ki kunhun Paidbah halor ka imlang sahlang kumba kidei ban jied ne ieng iada kata kamut ba ki pynkhein noh ia Ka bor Synshar jong u Paidbah (DEMOCRACY). Lada ki Political Party ki ieng pyrshah ia ka bynta kaba la jied lyngba ki kunhun Paidbah halor ka jingmyntoi lang baroh kum ka imlang sahlang kan pynpaw ia ki sha ka:

 Jingpynkhein noh ia ki bynta kiba bun kiba don halor Ka bor Synshar jong u Paidbah (DEMOCRACY).
 Kan pyndam ia ka jingshania Paidbah bad ban punduh bor ha baroh ki constituency ki jongki.
 Kin hap ban wanrah biang ia ka jingiatylli hadien ba la pharia bad ban thaw thymmai ia ki jingiakhun jongki.
 Jar jar napoh kin hap ban leit iakynduh pat ia ki kynhun Paidbah kiba la iaid lait shipor kumjuh haduh ki Paidbah nongshong shnong.
 Ban pynlong jingialang tang shipor katkum ki bynta ba ki la ieng pyrshah khlem da shongthait haduh ba la wanrah ia ka huri hura.
 Ban iohi ia ka jingieng ka Aiñ lane haduh ban hap donkam ban jubab.
 Ka jingpang kaban pynlong kum ka jingmynsaw da kaba duh noh ia ka jingkyrshan ki Paidbah.
 Ban thaw ia ka jingpharia hapdeng para maki bad ban pyniapher hapoh la kajong ka party jongki.
 Ban iohi ia ka jingsiat jong ki Paidbah haduh ban hap pynthymmai ia ka jingkhot ia ka DEMOCRACY bad ka jingsynshar kaba khuid.

Jingshisha kalong ka bynta kaba donkam ba ki Political Party kidei ban burom ia ka jingshimkhia jong ki kynhun Paidbah watla dei ba kim sngewtynnad ruh ban pdiang da jingiatreilang halor kumno ban pynbit pynbha ia ka Ri Synshar Paidbah katkum Ka bor Synshar jong u Paidbah da jingshaniah bad ban kiar ia ki jingpyrkhat bakla ne haduh ban pynshoh biet ia ki Paidbah da Ka bor Synshar shimet ka bymlah ban shongdor.

Lada ki Political Party ki pyrshang ban pyni bor lane wat ban iaid lait na ki kynhun Paidbah kata kamut ba ki la pynkheiñ noh ia ka bor Synshar jong u Paidbah lane haduh wat ban pynklet shimet kum u Paidbah da kaba pyni kumno ban ieng pyrshah katkum ka jinglong jong U Boss lane ka Sur jong u Boss uba la ieng ban kren pyrshah bad kane kanlong ka bynta kaban ialam haduh:

1. Ba ki Paidbah kidei ban long ki Nongbud jong u Boss jongka Political Party bad ba ki dei ban kren pyrshah da jinglaitluid katkum ki kyntien ba la dep pynkhluid lyngba u Boss bad ruh ki Paidbah kiba long ki Nongbud jong u Boss kidei ban iaid lait na ki kyntien jong ka jingsngew rit paid.
2. Ki Paidbah ki dei ban ieng iakhun pyrshah ia ka dor jongka Synshar laitluid dalade kum ki Paidbah (democratic) hapdeng ka imlang sahlang.
3. Kum Ki paidbah ki dei ban pynibor bad ban pynthut lada don kiba ieng pyrshah kum ki nongshun.
4. Ki Paidbah kidei ban sngap jar da jingailad tang khyndiat ki banlong ki nongpyntip bad ban shimti ia ka bor Synshar jongka Political Party.
5. Ki Paidbah ki dei ban maham tyngeh halor ka jingdondor jongkiwei kiba kren pyrhshah.
6. Ki Paidbah kidei ban thaw ia ka rukom pyrkhat khasi kumno ban pyntieng bad ban sngap jar.
7. Ki Paidbah kidei ban pynkhein noh ia ka hok jong u paidbynriew (Human Rights) bad kumjuh ban pyndam ia ka jinglaitluid halor ka Riti Synshar Paidbah.

Haba ngi pyrkhat bha ia kitei baroh ngi donkam ban kyntiew ia ka rukom pyrkhat kyrpang kum ka jaidbynriew da jingstad lyngba ka burom bad ban kren shakhmat katkum ki jingiohi jngai kiba don dor naka bynta ban ieng iada bad kine baroh kin hap ban rung da kaba kynthup:

1. Ka jingkren laitluid katkum ki kyntien bad pynpaw.
2. Ka hok banlum bad pyrshah da jingsuk.
3. Ban pdiang da jingtip kiba biang bad ki bynta ba kongsan.
4. Ban ieng iada na ki jingshah pynbor bad jingshahpynthut.
5. Kumno banlumlang halor kawei ka mat bad ban pynpaw katkum ka dur kaba dei.
6. Ka jingtreikam kaba khuid bad kaba shongdor da jingshai katkum Ka bor Synshar.
7. Ban aibor markylliang da jingiaryngkat khlem da thew shiliang katkum ba kadei lyngba ka sur jong u Paidbah.
8. Ban kyntiew ia ka jaidbynriew da jingiatylli bad sngewthuh jingmut ha barohlang kumjuh.

Ngi dei ban kynmaw ba Ka bor Synshar jong u Paidbah halade (DEMOCRACY) kaba koit ba khiah kan dang kyntiew shalor man kapor katkum ka sur ba ngi long. To ngindang kyntiew lang baroh da jingshongdor, ban burom iwei ia iwei pat bad kumno ban wanrah ia ka jingiathir iatai markhmat halor kiba bun ki liang jongka Jaidbynriew.

Ngi donkam mynta ban wanrah ia ka jingpyrkhat pyrdain kaba thymmai haba kumne ngi sakhi hapdeng para mangi haba ngi iohi manla kawei pa kawei ka Political Party kaba pyrshang ban synshar donbor hapoh ka Jylla Jongngi bad ngi donkam da ka jingtiplang ka ba pura hapdeng ka Imlang Sahlang jongka jaidbynriew Hynñiewtrep ne wat kiwei ruh ki Jaidbynriew kiba long ki Nongshong Shnong Pura jongka Jylla Meghalaya kum kita ki Nongjied ia ki Nongmihkhmat ban ieng skhem noh halor ka PARTYLESS DEMOCRACY (Kabalong Ka bor Synshar Synshar Paidbah ka bymdonkam ia ki Political Party). Kum ki Paidbah manla kipor ngi ju iohsngew ia ka jingud jingnam hapdeng ka jingiakynduh jingeh tang namar ki Political Party kiba synshar donbor. Ki Paidbah shimet kilah ban jied ne treikam khlem da donkam ban rung shapoh ki ophis jongki Political Party naka bynta ban iohi ia Ka bor Synshar Paidbah kaba shongdor bad iaryngkatdor. Kum ki Paidbah ngimdei ban shimrai lyngba ki Political Party lada dei halor kano kano ruh ka jingeh kaba ngi iakynduh namar ki Political Party bunsien ki pyrshang ban pyndam ia Ka bor Synshar Paidbah bad ban wanrah da kabor synshar dalade khlem da niewkor shuh iangi ki Paidbah kiba long ki Nongjied katkum Ka bor Synshar.

Kum ki Paidbah haba ngi mih halor kano kano ruh ka kynhun kaba long jong ki Paidbah ban trei ne kren halor ka jingeh jongki Paidbah kata kamut ba ngi iengskhem halor ka Bor Synshar jong U paidbah hapoh ka Ri Synshar Paidbah jongka Ri India bad kaba ngimdei ruh ki Political Party bad mynta ngi hap ban pynbna noh hapoh la kajong ka Jylla da ka PARTYLESS DEMOCRACY haba ngi dei ban kren ia kano kano ruh ka issue kaba jia hapoh ka Jylla. Kum ki Paidbah lada ngi dei ban jied iano iano ruh kum ki Nongmihkhmat ngi dei ban sngewthuh shai ba ngi khlem jied Political Party hynrei ngi jied ia ki briew kiba lah banlong ki nongmihkhmat halor ka hok jong u paidabah katkum ka dur bad ka sur ba ngi don halor ka Ri Synshar Paidbah.

Ngi dei ban shim kumba ka paw pyrthei halor ka PARTYLESS DEMOCRACY bad ba ngin shemphang janai ruh kum hapoh ka Ri lajong kaba ngi dang don hapoh ka Indigenous Governance Systems (Ka Synshar Khadar Halor Ka Jaidbynriew Ritpaid kaba Kyrpang) bad lada kane kan duh noh bad da kiwei lashai hadien kin wan ban synshar kata kamut ngim donkam shuh ban buh jingkylli namar naduh mynta ngila iohi lypa ia ka jubab haba ngi don ha ka bor synshar kum ki Paidbah ban jied nongmihkhmat hapdeng ka Bri U Hynñiew Trep Jongngi pynban ngi shah ban beiñ bad iuhroit noh ha la kijong ki Para Ri.

Pule nuksa ia ka jingthoh kaba kdew shai katkum ka “The City of Buenos Aires, Argentina” kaba la sdang ban mih Paidbah da ka PARTYLESS DEMOCRACY naduh u snem 1996 bad ban pyni shai ba ki Paidbah ki jied ia ki Nongmihkhmat khlem da donkam ia ka Political Party bad kaba la wanrah ia ka jingshongsuk shongshngaiñ kum ha la kajong ka ïing ka sem khlem jingshah pynthut. Kumjuh lada ngi pule ruh ia ka jingthoh “The State of Nebraska, USA” bad kane ruh kumjuh ka iaid haduh ymlah shuh ban batai haduh kat mynta ki sngi ia ka jingshongsuk ki Paidbah hapoh katei ka Jylla kaba don hapoh ka Ri USA.

Kumta, mynta kipor hapoh ka Ri India ruh kumjuh ynda haba ngi sakhi ia jingshah synshar donbor lyngba ki Political Party bad lada ngi phai ha manla ka Jylla khamtam hapdeng la kajong ka Jylla ngi donkam mynta ban iatai sani tang hapdeng para mangi kum ki Paidbah ki bym pat don Political Party ha kaban wanrah ia ka PARTYLESS DEMOCRACY hapoh la kajong ka Jylla Meghalaya ban ban pynsngew sha baroh kawei ka Ri India.

Ka PARTYLESS DEMOCRACY kalong kawei napdeng ki mat kiba donkam bha ha kum kane kapor ba mynta namar kum ki Paidbah ngi shah pyndonkam bakla ha manla ki liang kiba bun lyngba ki Political Party bad namar ka jinglynga pisa ka jongngi ngim banse ban leit shata wat haba ngi iohi ruh ia ka jingshah synshar donbor ne haduh wat ban mih ruh da u Boss ban ialam. Manla ka sngi la ju iohi paw lyngba ki Social Media ban beiñ briew katba mon haduh ban khlem da salia watla hapdeng para jaibynriew ba ngi don tang namar ba ngi shah ialam bakla ha ki Political Party kiba pyrshang ban synshar donbor.

Ngi dei ban sngewthuh shai bad shemphang ba Ka bor Synshar Synshar Paidbah kadei ban don khlem ki Political Party (PARTYLESS DEMOCRACY) bad kalong ka bynta kaba kongsan ia ki briew kiba shimkhia halor ka hok ban ieng iada namar ka lawei jongka imlang sahlang pateng la pateng. Ngi donkam mynta ban tei skhem katkum ka jingiohi jngai ka jongngi halor ka sur ki Paidbah bakhuid bad kiba shimkhia ha kaba nginhap ruh ban thaw pura kylleng sawdong jongki Shnong bapher bapher kum ka “People’s Village Committee” khlem da kynran dien lada ngi pyrkhat skhem halor ka jingshah synshar donbor da kaba shah iuhroit ia ka hok jongKa bor Synshar synshar Paidbah ha ki Political Party naduh ka Pule ka Puthi, Ka kamai kajih, ka treikam treijam, Ka khaïi ka pateng bad kiwei kiwei haduh baka la wanrah iaka jingkyrduh kam kyrduh jam hapoh la kajong ka Jylla bad lem kumjuh lada ngi phai sha ki lad ai jingsumar sukher jongka Sorkar kaba la shulong noh tang ban wanrah ia ka jingma jingmynsaw ia baroh ki Paidbah kiba leit ban shim dawai. Ka PARTYLESS DEMOCRACY kalong kawei ka lad bad ka lynti kaba kum ki Paidbah nongshong shnong kilah ban shim ia ka rai khlem da donkam ban peit Political Party ne Politicians. Kumta ngi dei ban sngewthuh ba ka jingdonkam ban wanrah ia ka jingiohi jngai bad ban pyrkhat sani khlem da donkam ban shah ialam bakla kum ki Paidbah katkum ka thong kumba ngi mut ne iohi “PARTYLESS DEMOCRACY”

Ka jingiohi jngai katkum ka PARTYLESS DEMOCRACY kalong ban pynkhambor ia ki Paidbah manla iwei pa iwei ban shim ia ka rai dalade na bynta ka lawei jongki longdien mandien bad kumno ban shimkhia khlem da shah ialam bakla ha ki Political Party junom la junom da jinglaitluid.

Khublei Shibun.