Ka jingiap U PA Sangma kaba kyndit

Shillong, 04 Lber:
Ka jingkhlad kyndit jong u PA Sangma ka la pynkyndit ia baroh ki paidbah ka ri khamtam ia ka jylla Meghalaya. Hynrei kaba kham sngew lyngngoh, ka long ba u khun jong u, u James K Sangma ruh, u don ha iing dorbar thaw ain mynta ka sngi, u bym mut dur satia ia kum kane ka jingjia.
La iohi ba u James K Sangma u la don ha iing dorbar hynrei hadien katto katne por, u la mih hadien ba la ioh khubor ba sngewsih ba u kpa ba ieid jong u, um don shuh ha ka pyrthei.
Ka jingkhlad jong u PA Sangma ka la pynkyndit ruh ia ki MLA ka iing dorbar, namar ba ka jia ha ka por ba u Lat ka jylla u V Shanmu gathan u dang kren hapoh ka iing dorbar thawain kaba dang sdang mynta ka sngi kaba dei ka dorbar mang tyngka ka jylla.
Ki heh ki hain kynthup u Myntri Rang bah u Mukul Sangma, u nongialam liangpyrshah Dr Donkupar Roy, u Lamphang ka iing dorbar u AT Mondal bad kiwei ki ioh jingtip ia kane ka jingkhlad kyndit u riew khraw ka ri, ha ka por ba ki dang dih sha, hadien ba la dep kren u Lat ka jylla ha iing dorbar.