Ka jingiap ki 500ngut ha hospital, dei ka jingsiat namding ki ehrang, ong ka Israel

Ki kali kiba la julor thiaw ha phyllaw ka Al Ahli Hospital, hadien ka
jingbthei, ha ka miet jong ka Sngi Hat majai

Tel Aviv:Ka jingher jong u drone bad ka jing iakren jong ki arngut ki ehrang Ha mas, ka la pyn sakhi, ba ka jingbthei bom ha ka hospital ha Gaza, ka dei ka jingsiat bakla jong ki ehrang Hamas, ia u namding jongki bad ba u leit hap sha katei ka hospital ban pyniap ia 500ngut ki nongpang, kiba don ha katei ka hospital.
Ka Israel, ka la sei da ki jingshisha, ban pyni, ba katei ka jingbthei ha ka Al-Ahli hospital, ka dei ka jingsiat bakla jong ki ehrang Hamas, ia u namding jongki.

Ha ka khubor, la ioh ban ring ia ka jingiakren jong ki arngut ki ehrang, ha kaba ki iakren bad utei u dei uroket, ba la siat da kawei ka seng lehnoh, ka Islamic Jihad.

Ha kawei pat ka khubor, U Joe Biden, President jong ka United States of America, ula poi mynta ka sngi ha Tel Aviv, kum ka jingkyrshan jongu, ia katei ka Ri, hadien, ka jingshah hiar thma, ha ki ehrang, ha ka 7tarik Risaw 2023. Ha kaba iadei bad ka jingbthei ha hospital, U Biden, ula kren sha U Benjamin Netanyahu, ba kam dei, kaba la leh da ka Israel, hynrei, ka dei kaba la leh, da kiwei pat.