Jowai: Ka All Jaintia Cement and Clinker Transportation Association ka rai ban pynlong da ka jingialang paidbah ha ka 16 tarik une u bnai ha ka por 10:30 am ha 7-mer hajan ka Rajasthan Dhaba.
Ia kane ka jingialang la pynbeit da ka Executive Committee jong ka seng kaba la long ha ka 10 tarik une u bnai.
U ma Kyrshan Dkhar u General Secretary ka AJCCTA, u la iathuh ba ha kane ka jingialang, yn iakren sani halor ka jingmih bun palat ki Weigbridge ha baroh shi lynter u surok bah naduh na Malidor shaduh Byrnihat.
Na ka liang ka AJCCTA ka la khot ia baroh ki trai bad ki driver trok ban wan sha katei ka jingialang khnang ban ioh shim ia ka rai ha katei ka sngi.
Ha juh ka por ka seng ki trai trok bad driver kin iakren ruh ha katei ka jingialang halor ka jingwan hiar palat ki trok kiba na bar jylla ban wan kamai sha kane ka thain.
Phi don ban ong eiei?